బాలీవుడ్ స్టార్ హీరోయిన్ ప్రియాంక చోప్రా ప్రస్తుతం హాలీవుడ్ సినిమాల్లో కూడా నటిస్తూ ఇంటర్నేషనల్ హీరోయిన్ గా మారిపోయింది.ప్రస్తుతం హాలీవుడ్ లో రెండు సినిమాల్లో నటిస్తూ బిజీగా ఉంది.
ఈ భామ ఇప్పుడు మరో అరుదైన గౌరవాన్ని సొంతం చేసుకుంది.ఐక్యరాజ్యసమితిలో అందించే యూనిసెఫ్ అమెరికా డానీ కేయి మానవతా పురస్కారానికి ఎంపికయ్యింది.
బాలల విద్య, సామాజిక సేవా కార్యక్రమాలు చేస్తున్నందుకుగాను ప్రియాంక చోప్రా ని ఈ అవార్డు కి ఐక్యరాజ్యసమితి ఎంపిక చేసింది.
ఈ సంవత్సరం ఆఖర్లో ఈ పురస్కారాన్ని ఆమె అందుకోబోతుంది.
ఇక తనకి లభించిన ఈ అరుదైన గౌరవంపై ప్రియాంక చోప్రా ట్విట్టర్ వేదికగా అభిమానులతో పంచుకొని తన ఆనందాన్ని వ్యక్తం చేసింది.మొత్తానికి స్టార్ హీరోయిన్ గా ఓ వైపు తన అందంతో అందర్నీ ఆకట్టుకునే తన వ్యక్తిత్వంతో సేవా కార్యక్రమాలతో, మహిళల కోసం బాలల హక్కుల కోసం ప్రియాంక చోప్రా చేస్తున్న సేవకి ఇప్పుడు సరైన గుర్తింపు వచ్చిందని ఆమె సన్నిహితులు చెబుతున్నారు.
ప్రస్తుతం ఈ భామ హాలీవుడ్ లో రెండు సినిమాలు.హిందీలో ఒక సినిమా నటిస్తుంది.