టాలీవుడ్లో తెరకెక్కుతున్న ఆసక్తికరమైన సినిమాల్లో విరాటపర్వం కూడా ఒకటి.ఈ సినిమాను వేణు ఉడుగుల డైరెక్ట్ చేస్తుండగా రానా దగ్గుబాటి ఈ సినిమాలో హీరోగా నటిస్తున్నాడు.
అయితే ఈ సినిమా నక్సల్స్ బ్యాక్డ్రాప్తో తెరకెక్కుతుండటంతో ఈ సినిమాపై ఇండస్ట్రీ వర్గాలతో పాటు ప్రేక్షకుల్లోనూ మంచి అంచనాలు క్రియేట్ అయ్యాయి.ఇక ఈ సినిమాలో ఓ కీలక పాత్రలో ప్రియమణి నటిస్తున్న సంగతి తెలిసిందే.
కామ్రేడ్ భారతక్క అనే పాత్రలో ప్రియమణి నటిస్తోన్న సంగతి తెలిసిందే.అయితే ఈ పాత్రలో నటించేందుకు ఆమె నిజంగానే ఓ కామ్రేడ్ దగ్గర ట్రెయినింగ్ తీసుకున్నట్లు తెలుస్తోంది.
అయితే లాక్డౌన్కు ముందే ఓ మాజీ నక్సల్ దగ్గర ప్రియమణి ఇలాంటి ట్రెయినింగ్ తీసుకుందని, అందుకే భారతక్క పాత్రను చాలా సులువుగా చేయగలుగుతోందని తెలుస్తోంది.ఓ సినిమాలో తన పాత్ర కోసం ఇంతలా కష్టపడుతున్న ప్రియమణిని చూసి చిత్ర యూనిట్ సెల్యూట్ కొడుతోంది.
కాగా ఈ సినిమాలో రానా కూడా నక్సల్ పాత్రలో నటిస్తున్నట్లు తెలుస్తోంది.ఫిదా బ్యూటీ సాయి పల్లవి ఈ సినిమాలో హీరోయిన్గా నటిస్తోండగా ఇండస్ట్రీ వర్గాల్లో ఈ సినిమాపై భారీ అంచనాలు క్రియేట్ అయ్యాయి.
ఇక అవార్డ్ విన్నింగ్ నటి నందితా దాస్ ఈ సినిమాలో మరో కీలక పాత్రలో నటిస్తున్న సంగతి తెలిసిందే.ఈ సినిమాను సురేష్ ప్రొడక్షన్స్ ప్రొడ్యూస్ చేస్తోంది.