కన్నుగీటు వీడియో ద్వారా ఓవర్ నైట్ లో ప్రియా ప్రకాష్ వారియర్ స్టార్ హీరోయిన్ స్టేటస్ ను సొంతం చేసుకున్న సంగతి తెలిసిందే.అయితే ఆ స్టేటస్ ఈమె కెరీర్ కు మాత్రం పెద్దగా ఉపయోగపడలేదు.
ప్రియా ప్రకాష్ వారియర్ నటించిన తొలి సినిమా ఒరు ఆడార్ లవ్ కు బిజినెస్ బాగానే జరిగినా ఆ సినిమా బాక్సాఫీస్ వద్ద హిట్ గా మాత్రం నిలవలేదు.తెలుగులో ఈ ఏడాది ప్రియా వారియర్ నటించిన ఇష్క్, చెక్ సినిమాలు విడుదలయ్యాయి.
అయితే ఈ రెండు సినిమాలు ఫ్లాప్ గా నిలవడంతో ప్రియా ప్రకాష్ కు కొత్త సినిమా ఆఫర్లు ఎక్కువగా రావడం లేదు.తెలుగులో స్టార్ హీరోలు సైతం ప్రియా ప్రకాష్ కు తమ సినిమాల్లో ఛాన్స్ ఇవ్వడం లేదు.
ప్రియా ప్రకాష్ హిందీ, కన్నడ భాషల్లో నటించిన సినిమాలు రిలీజ్ కావాల్సి ఉంది.ఆ సినిమాలు సక్సెస్ సాధిస్తే మాత్రమే ఆమె కెరీర్ కు ప్రయోజనం చేకూరుతుంది.
మరోవైపు ప్రియా ప్రకాష్ ఫ్లాప్ హీరోయిన్ అనే కామెంట్లు సైతం వినిపిస్తున్నాయి.
అయితే ఒరు ఆడార్ లవ్ ద్వారా ఈ బ్యూటీకి సోషల్ మీడియాలో ఫ్యాన్ ఫాలోయింగ్ భారీగా పెరిగింది.
ప్రస్తుతం ఈ బ్యూటీ ఒక్కో పోస్ట్ కోసం 5 లక్షల రూపాయలు తీసుకుంటున్నారని సమాచారం.ఏడు మిలియన్ల ఫాలోవర్లు ఉండటంతో ప్రముఖ కంపెనీలు సైతం భారీ మొత్తాన్ని ఇవ్వడానికి ఆసక్తి చూపుతున్నాయి.ఈ విధంగా ప్రియా వారియర్ ఎక్కువ మొత్తంలో సంపాదించుకుంటూ తన క్రేజ్ ను క్యాష్ చేసుకుంటున్నారు.
అయితే పోస్టులకు భారీ మొత్తంలో తీసుకునే ఈ బ్యూటీ పారితోషికం విషయంలో మాత్రం ఎక్కువ మొత్తం డిమాండ్ చేయడం లేదని తెలుస్తోంది.హీరోను, పాత్రను బట్టి ప్రియా ప్రకాష్ వారియర్ రెమ్యునరేషన్ తీసుకుంటున్నారని సమాచారం.