మెగా డాటర్ నిహారిక హీరోయిన్గా తెరకెక్కుతున్న రెండవ చిత్రం ‘హ్యాపీ వెడ్డింగ్’.ఈ చిత్రంలో క్యూట్ బాయ్ సుమంత్ అశ్విన్ హీరోగా నటిస్తున్న విషయం తెల్సిందే.
ప్రస్తుతం సినిమాకు సంబంధించిన చివరి దశ చిత్రీకరణ జరపడగంతో పాటు, మరో వైపు పోస్ట్ ప్రొడక్షన్ వర్క్ కూడా జరుపుతున్నారు.భారీ అంచనాల నడుమ రూపొందుతున్న ఈ చిత్రంతో ప్రభాస్కు సంబంధం ఉందని, ఆయన వల్లే ఈ ప్రాజెక్ట్ పట్టాలెక్కిందనే ప్రచారం సినీ వర్గాల్లో జరుగుతుంది.
ప్రభాస్ కెరీర్కు పునాది వేసిన నిర్మాత ఎంఎస్ రాజు తనయుడిని హీరోగా నిలిపేందుకు ప్రభాస్ ఈ చిత్రంను తన స్నేహితులతో నిర్మింపజేస్తున్నాడు.
ప్రభాస్కు హోం బ్యానర్ అయిన యూవీ క్రియేషన్స్లో ఈ చిత్రం తెరకెక్కుతున్న విషయం తెల్సిందే.నిహారిక మరియు సుమంత్ అశ్విన్ల కాంబో అనగానే అందరి దృష్టి ఉంది.ఈ చిత్రంతో సుమంత్ అశ్విన్ కమర్షియల్ సక్సెస్ను దక్కించుకుంటే ప్రభాస్ తనకు లైఫ్ ఇచ్చిన నిర్మాత రుణం తీర్చుకున్న వాడు అవుతాడు.
అందుకే ప్రభాస్ ఈ చిత్రాన్ని నిర్మించేందుకు ముందుకు వచ్చినట్లుగా సినీ వర్గాల ద్వారా తెలుస్తోంది.ప్రభాస్ ప్రస్తుతం సాహో చిత్రం కోసం కష్టపడుతున్నాడు.అయినా కూడా ‘హ్యాపీ వెడ్డింగ్’ కోసం తన వంతు ప్రయత్నాలు చేస్తున్నాడు.
తాజాగా విడుదలైన ట్రైలర్ మరియు ఫస్ట్లుక్ పోస్టర్లకు మంచి రెస్పాన్స్ వచ్చింది.
తప్పకుండా ఇదో మంచి క్యూట్ లవ్ స్టోరీగా నిలుస్తుందనే అభిప్రాయం అందరిలో వ్యక్తం అవుతుంది.అందుకే ఈ చిత్రంను కొనుగోలు చేసేందుకు పలువురు డిస్ట్రిబ్యూటర్లు ముందుకు వస్తున్నారు.
దాంతో పాటు ఈ చిత్రం ప్రమోషన్స్లో ప్రభాస్ పాల్గొనబోతున్న కారణంగా కూడా సినిమాపై సినీ వర్గాల్లో అంచనాలు భారీగా ఉన్నాయి.ప్రభాస్ వెనుకుండి ఈ చిత్రాన్ని ముందుకు నడిపిస్తున్న కారణంగా తప్పకుండా ప్రేక్షకులు కూడా ఈ చిత్రాన్ని ఆధరిస్తారనే నమ్మకం వ్యక్తం అవుతుంది.
మొదటి చిత్రంతో నిహారిక పెద్దగా ప్రేక్షకులను ఆకట్టుకోవడంలో విఫలం అయ్యింది.అయితే ఈ చిత్రంతో మాత్రం కమర్షియల్ సక్సెస్ను దక్కించుకుంటుందని మెగా ఫ్యాన్స్ నమ్మకంగా ఉన్నారు.
హీరోయిన్గా నిహారిక కమర్షియల్ సక్సెస్ను ఈ చిత్రంతో దక్కించుకుంటుందని మెగా కుటుంబ సభ్యులు కూడా నమ్మకంతో ఉన్నారు.గత చిత్రంతో పోల్చితే ఈ చిత్రంలో నిహారిక చాలా కొత్తగా, రెగ్యులర్ కమర్షియల్ హీరోయిన్గా కనిపిస్తుందంటూ సినీ వర్గాల వారు అంటున్నారు.
మరి ప్రభాస్ ప్రోత్సాహంతో జరగబోతున్న ఈ హ్యాపీ వెడ్డింగ్ ఫలితం ఎలా ఉంటుందనేది చూడాలి.జులై చివర్లో ఈ చిత్రాన్ని విడుదలకు సిద్దం చేస్తున్నారు.