బాహుబలి సినిమాతో పాన్ ఇండియా స్టార్ గా గుర్తింపు తెచ్చుకుని మరే హీరోకు లేని క్రేజ్ ను అభిమానాన్ని సంపాదించుకున్నాడు.మన ఇండియాలోనే కాకుండా ప్రభాస్ కు ప్రపంచ వ్యాప్తంగా అభిమానులు ఉన్నారు.
మరీ ముఖ్యంగా ప్రభాస్ కు జపాన్ లో మరింత ఫాలోయింగ్ ఉంది.బాహుబలి సినిమా జపాన్ లో సంచలన విజయం సాధించింది.
ఇక అప్పటి నుండి జపాన్ వాసులు ప్రభాస్ ను ఇష్టపడడం మొదలుపెట్టారు.
ప్రభాస్ కటౌట్, లుక్స్, యాక్టింగ్ కు జపాన్ వాసులు ఫిదా అయ్యారు.
బాహుబలి సినిమా రిలీజ్ అయినప్పటి నుండి జపాన్ వాసులు ప్రభాస్ ను ఆరాధించడం మొదలుపెట్టారు.బాహుబలి సినిమా వచ్చి ఏళ్ళు గడుస్తున్నా వారు ప్రభాస్ యాక్టింగ్ ను మర్చిపోలేకపోతున్నారు.
దీంతో అప్పటి నుండి జపాన్ వాసులు, అక్కడి మీడియా ప్రభాస్ ను పెద్ద ఎత్తున ప్రమోట్ చేయడానికి ఇష్టపడతారు.
ఇప్పుడు రాధేశ్యామ్ సినిమా విషయంలో మరొకసారి ప్రభాస్ పై వారికున్న అభిమానాన్ని, ప్రేమను చూపిస్తున్నారు.
తాజాగా జపాన్ కు చెందిన కూల్ డ్రింక్ బాటిల్స్ క్రేట్ చిత్రాలు నెట్టింట్లో హల్ చల్ చేస్తున్నాయి.ఆ సీసాల లేబుల్స్ పై ప్రభాస్ పిక్ ఉండడం విశేషం.జపాన్ లో ఐకియా స్టోర్ లో ఈ లేబుల్స్ తో ఉన్న ఖాళీ గాజు సీసాలను విక్రయిస్తున్నారు.
ఆ సీసాలకు ప్రభాస్ రాధేశ్యామ్ ట్రైలర్ లుక్ లో ఉన్న పిక్స్ ఉన్నాయి.మరి ప్రభాస్ అనుమతితో ఇలా చేసారో లేదంటే వారే సొంతంగా ఇలా చేసారో తెలియదు.కానీ ఈ ఫోటోలు మాత్రం ప్రెజెంట్ నెట్టింట వైరల్ అవుతున్నాయి.
అప్పట్లో బాహుబలి ఆర్ట్ మెటీరియల్స్ తో పాటు మిగతా వాటిని కూడా తయారు చేసి బాహుబలి టీమ్ తో పంచుకున్నారు.ఇక ఇప్పుడు త్వరలోనే రాధేశ్యామ్ టీమ్ కూడా ఇలాంటివి పొందే అవకాశం ఉందని అందరు భావిస్తున్నారు.