యంగ్ రెబల్ స్టార్ ప్రభాస్ హీరోగా హిందీలో భారీ బడ్జెట్ తో ఓం రావత్ దర్శకత్వంలో తెరకెక్కుతున్న సినిమా ఆది పురుష్.ఈ సినిమాని టి-సిరీస్ ప్రతిష్టాత్మకంగా నిర్మిస్తుంది.
ఇక ఈ సినిమాలో లంకేశ్ పాత్రలో సైఫ్ అలీ ఖాన్ నటిస్తున్నాడు.మిగిలిన ఆర్టిస్ట్ ల ఎంపిక కొనసాగుతుంది.
పూర్తి త్రీడీ టెక్నాలజీ, గ్రీన్ మ్యాట్ స్టూడియోలో ఈ సినిమాని తెరకెక్కించనున్నారు.జనవరి తర్వాత ఈ సినిమా షూటింగ్ ప్రారంభం అవుతుంది.
దీనికోసం అరవై రోజులు ప్రభాస్ కాల్షీట్స్ ఇచ్చాడు.ఇదిలా ఉంటే ఇన్ని రోజులుగా ఈ సినిమా రామాయణం ఇతివృత్తంతో తెరకెక్కించబోతున్న సినిమా అనే ప్రచారం జరుగుతూ వచ్చింది.
ఈ సినిమాలో ప్రభాస్ రాముడు పాత్రలో కనిపిస్తాడని టాక్ నడుస్తుంది.రామాయణంలో కీలక ఘట్టం తీసుకొని ఆది పురుష్ సినిమాని ఆవిష్కరిస్తున్నారని చెప్పుకుంటున్నారు.
అయితే ఇందులో ఎంత మాత్రం వాస్తవం లేదని, ఆది పురుష్ పూర్తి స్థాయిలో కొత్త కథ, కథనంతో నడిచే చిత్రం అని టాక్ వినిపిస్తుంది.ఈ సినిమాలో కేవలం రామాయణం కాలం నాటి పాత్రల స్వభావంతో అదే పేర్లుతో పాత్రలు డిజైన్ చేసి నేటి, కాలమాన పరిస్థితులకి తగ్గట్లు స్టోరీని సిద్ధం చేశారని, అలాగే రామాయణం ఇతివృత్తంని ఇందులో రిప్రజెంట్ చేసిన అది పూర్తిస్థాయిలో కొత్తకోణంలో చూపించబోతున్నారని చెప్పుకుంటున్నారు.
ఓ విధంగా చెప్పాలంటే ఈ ఆది పురుష్ కథ ఆధునిక రామాయణం అని అంటున్నారు.ఇందులో లంకేశ్ అనే పేరుతో రావణుడుకి సింబాలిక్ పాత్ర, అలాగే రాముడుకి సింబాలిక్ పాత్రలలో ఆది పురుష్ పాత్రలు ఉంటాయని సమాచారం.
మైథాలజీ కథ రామాయణం నేరేషన్ ఇస్తూనే ఈ కథని సిమిలర్ గా నడిపిస్తారని చెప్పుకుంటున్నారు.మరి ఈ ఆది పురుష్ కథపై వినిపిస్తున్న వార్తలలో క్లారిటీ ఎంత అనేది తెలియాలంటే చిత్ర యూనిట్ స్పందించే వరకు వేచి చూడాల్సిందే.
.