టాలీవుడ్ లో యంగ్ రెబల్ స్టార్ ప్రభాస్ నటించినటువంటి “బిల్లా” అనే చిత్రం తెలుగు ప్రేక్షకులకు ఇప్పటికీ బాగానే గుర్తు ఉంటుంది.అయితే ఈ చిత్రంలో ప్రభాస్ ద్విపాత్రాభినయం చేసి అదరగొట్టాడు.
ఇందులో ముఖ్యంగా మాఫియా మరియు డ్రగ్ డీలర్ పాత్ర ప్రేక్షకులను బాగా ఆకట్టుకుంది.దీంతో ఒక్కసారిగా ప్రభాస్ రేంజ్ ఏంటో సినిమా ఇండస్ట్రీకి అర్థం అయింది.
అయితే ఈ చిత్రానికి టాలీవుడ్ ప్రముఖ దర్శకుడు మెహర్ రమేష్ దర్శకత్వం వహించాడు.అలాగే ఈ చిత్రంలో టాలీవుడ్ గ్లామర్ క్వీన్ అనుష్క శర్మ, కోలీవుడ్ బొద్దుగుమ్మ నమిత, గెస్ట్ అప్పియరెన్స్ లో హన్సిక హీరోయిన్లుగా నటించారు.
అలాగే ప్రాముఖ్యత ఉన్నటువంటి పాత్రలో సీనియర్ హీరో రెబల్ స్టార్ కృష్ణంరాజు నటించాడు.
అయితే ఈ చిత్రం 2009వ సంవత్సరంలో ఏప్రిల్ నెలలోని 3వ తారీఖున విడుదలయింది.
దీంతో ఈ చిత్రం విడుదలై సరిగ్గా నేటితో 11 సంవత్సరాలు కావస్తోంది.అయితే ఈచిత్రం బాక్సాఫీసు వద్ద విజయాన్ని సాధించడమే కాక దర్శకనిర్మాతలు కూడా కాసుల వర్షం కురిపించింది.
అయితే ఈ చిత్రంలో మాఫియా డాన్ గా ప్రభాస్ చెప్పేటువంటి డైలాగ్స్ ప్రేక్షకులను ఎంతగానో ఆకట్టుకున్నాయి.
ఈ చిత్రంలో మరోపక్క హీరోయిన్లు ఇద్దరూ బికినీలో అందాల ఆరబోతతో ఆకట్టుకోగా యాక్షన్ సన్నివేశాలు ఈ చిత్రానికి హైలెట్ గా నిలిచాయి.దీనికితోడు అలీ కామెడీ సన్నివేశాలు కొంత మేర ఈ చిత్రానికి ప్లస్ అయ్యాయి.మొత్తానికి అప్పటి వరకు సరైన హిట్ లేక ఇబ్బంది పడుతున్న టువంటి ప్రభాస్ కి ఈ చిత్రం కొంతమేర ఊరట కలిగించింది అని చెప్పవచ్చు.