యంగ్ రెబల్ స్టార్ ప్రభాస్ నటిస్తున్న లేటెస్ట్ మూవీ ఇప్పటికే షూటింగ్ జరుపుకుంటున్న సంగతి తెలిసిందే.ఈ సినిమాతో మరోసారి బాక్సాఫీస్ను షేక్ చేయాలని ప్రభాస్ చూస్తున్నాడు.
కాగా ప్రభాస్ 20వ చిత్రంగా తెరకెక్కుతున్న ఈ సినిమాకు సంబంధించిన ఫస్ట్ లుక్ ఎప్పుడెప్పుడు రిలీజ్ అవుతుందా అని అందరూ ఎంతో ఆసక్తిగా ఎదురుచూస్తున్నారు.అయితే ఈ ఫస్ట్ లుక్ను రీసెంట్గా జూన్ నెలలో రిలీజ్ చేస్తామని చిత్ర యూనిట్ తెలిపినా ప్రస్తుతం నెలకొన్న కరోనా పరిస్థితుల కారణంగా అది వీలు కాలేదు.
కాగా ఇక ఇప్పట్లో ఈ చిత్ర ఫస్ట్ లుక్ను చిత్ర యూనిట్ రిలీజ్ చేస్తుందో లేదో అని అందరూ అనుకుంటున్న సమయంలో, అక్టోబర్ నెలలో ఈ సినిమాకు సంబంధించిన అప్డేట్ ఖచ్చితంగా ఉండబోతుందనే వార్త సినీ వర్గాల్లో చక్కర్లు కొడుతోంది.అక్టోబర్ 23వ తేదీన ప్రభాస్ పుట్టినరోజు ఉండటంతో, ఆ రోజు ఈ సినిమా ఫస్ట్ లుక్తో పాటు టీజర్ కూడా రిలీజ్ చేస్తారనే వార్త చక్కర్లు కొడుతోంది.
అందుకే ఇప్పటివరకు ఈ సినిమాకు సంబంధించిన అప్డేట్ను రివీల్ చేయలేదని పలువురు అంటున్నారు.
ఏదేమైనా గతకొంత కాలంగా ఈ సినిమా అప్డేట్ విషయంలో ఊరిస్తూ వస్తున్న చిత్ర యూనిట్, ఇప్పుడు మరోసారి తమను మోసం చేస్తారా లేక నిజంగానే రిలీజ్ చేస్తారా అనే సందేహాన్ని వ్యక్తం చేస్తున్నారు.
ఏదేమైనా ఈ ప్రశ్న ప్రభాస్ ఫ్యాన్స్తో పాటు సాధారణ ప్రేక్షకుల్లోనూ నెలకొంది.మరి ఈ విషయంపై చిత్ర యూనిట్ అఫీషియల్ ప్రకటన ఇచ్చే వరకు ఆగాల్సిందే.
ఇక ఈ సినిమాలో అందాల భామ పూజా హెగ్డే హీరోయిన్గా నటిస్తోండగా, రాధాకృష్ణ డైరెక్ట్ చేస్తున్నాడు.