వివాదాస్పద దర్శకుడు రామ్ గోపాల్ వర్మ మరోసారి వార్తల్లోకెక్కాడు.ఇటీవల ఆయన ‘నగ్నం’ అనే సినిమాను తరకెక్కించిన సంగతి తెలిసిందే.
కాగా తాజాగా తన నెక్ట్స్ చిత్రాన్ని కూడా ఆయన అనౌన్స్ చేశాడు.గతంలో మెగా ఫ్యామిలీపై ఓ సినిమా చేస్తానని ప్రకటించిన వర్మ, ఎందుకో ఆ సినిమా ఊసే ఎత్తలేదు.
కానీ ఈసారి ఎలాంటి అనౌన్స్మెంట్ లేకుండానే ‘పవర్ స్టార్’ అనే సినిమాను చేస్తున్నట్లు ప్రకటించాడు.
పవర్ స్టార్ పవన్ కళ్యాణ్ను ఉద్దేశించి ఈ సినిమా ఉండబోతున్నట్లు పవన్ ఫ్యాన్స్ మండి పడుతున్నారు.
అయితే ఎవరినీ ఉద్దేశించి తాను ఈ సినిమాను చేయడం లేదని చెబుతున్నాడు వర్మ.‘‘ఈ సినిమాలో పీకే, ఎంఎస్, ఎన్బీ, టీఎస్, ఓ రష్యా మహిళ, నలుగురు పిల్లలు, ఎనిమిది బర్రెలు మరియు ఆర్జీవీ ఉంటారు’’ అంటూ వివాదాస్పద ట్వీట్ చేశాడు వర్మ.
అంతేగాక ఈ సినిమాలో నటించబోయే హీరో తనకు దొరికాడంటూ అతడి వీడియోను కూడా ట్వీట్ చేశాడు.
ఈ వివాదాస్పద సినిమాతో ఆర్జీవీ ఏం చెప్పాలనుకుంటున్నాడో తెలపాలని టాలీవుడ్ బ్యూటీ పూనమ్ కౌర్ డిమాండ్ చేస్తోంది.
అమ్మాయిల ఎమోషనల్ బలహీనతలను క్యాష్ చేసుకునేందుకు ప్రయత్నించే ఆర్జీవీ అనే పాత్రను కూడా ఈ సినిమాలో పెట్టాలని ఆమె కోరుతుంది.తాను చిన్నతనంలో వర్మను గౌరవించానని, ప్రస్తుతం ఆయన్ను చూస్తే చీదరింపు కలుగుతోందని పూనమ్ మండి పడుతోంది.
మొత్తానికి వర్మ మరోసారి పవన్ కళ్యాణ్పై సినిమా చేస్తూ టాలీవుడ్ను షేక్ చేసేందుకు రెడీ అవుతున్నాడు.