ఈ మధ్య కాలంలో సమాజంలో మానవత్వం రోజురోజుకి నశించిపోతుందని కొన్ని సంఘటనలు చూస్తూ ఉంటేనే తెలుస్తుంది.సొంత చెల్లెలు మీద అన్నలు అత్యాచారం.
సొంత అన్నదమ్ముల వైరంతో చంపుకునే వరకు వెళ్ళడం, తల్లిదండ్రులని కనికరం లేకుండా ఆస్తుల కోసం, వ్యసనాలకి బానిసైన పిల్లలు హత్యలు చేయడం చూస్తూ ఉన్నాం.అయితే ఇలాంటి ఘోరాలు అన్ని కూడా లో ప్రొఫైల్ మనుషులే చేస్తారని అనుకుంటే కచ్చితంగా పొరపాటే అవుతుంది.
హత్యలు చేయడం ఒక ఎత్తయితే మరీ కిరాతకంగా నరికేసి, పోలీసులకి చిక్కకుండా తగలబెట్టేసే సైకో లక్షణాలు మనుషులలో బయట పడుతున్నాయి.హై ప్రొఫైల్ కుటుంబాలలో కూడా ఇలాంటి ఘోరాలు బయట పడుతున్నాయి.
కొద్ది రోజుల క్రితం కన్నడంలో హీరోయిన్ గా రాణిస్తున్న షనాయా కత్వె ప్రేమ వ్యవహారంలో అడ్డుగా ఉన్నాడని సొంత తమ్ముడుని హత్య చేసిందనే ఆరోపణలతో పోలీసులు అరెస్ట్ చేశారు.
అయితే ఈ హత్యలో ముందుగా ఆమె ప్రియుడుతో పాటు మరో వ్యక్తిని అరెస్ట్ చేశారు.
తరువాత ఆమెని అదుపులోకి తీసుకున్నారు.అయితే తన తమ్ముడికి, తనకి మధ్య విభేదాలు ఉన్న మాట వాస్తవమే అయినా అతనిని తాను హత్యచేయలేదని తెలిపింది.
అయితే పోలీసులు ఆమెని అదుపులోకి తీసుకొని తమ శైలిలో విచారించి అసలు వాస్తవాలు బయట పెట్టారు.తమ్ముడు హత్యలో ఆమెనే కీలక పాత్రధారి అని పేర్కొన్నారు.
రియలెస్టేట్ వ్యాపారి నియాజ్ తో షనాయా ప్రేమాయణం సాగిస్తోంది.పేయింగ్ గెస్ట్ లా ఆయన ఇంట్లోనే ఉంటోంది.
అది నచ్చని ఆమె తమ్ముడు వ్యతిరేకించాడు.దీంతో, తన ప్రేమకు అడ్డుగా ఉండడంతో అతని మట్టుబెట్టేందుకు ప్లాన్ వేసింది.
నియాజ్ ఇంట్లోనే అతనికి ఊపిరాడకుండా చేసి షనయా హతమార్చింది.అనంతరం శవాన్ని ముక్కలుగా నరికి, తగలబెట్టి, ప్లాస్టిక్ సంచిలో ప్యాక్ చేసి అటవీ ప్రాంతంలో పడేశారు.
కనికరం లేకుండా ప్రేమ వ్యామోహంలో తోడబుట్టిన తమ్ముడిని పైశాచికంగా చంపేసిన ఆ హీరోయిన్ ని ఉరితీసిన పరవాలేదని కన్నడ ప్రజలు డిమాండ్ చేస్తున్నారు.