క్రేజ్‌ ఉన్న వారి పేర్లతో ఫేస్‌బుక్‌ మరియు ట్విట్టర్‌లలో ఫేక్‌ అకౌంట్లు క్రియేట్‌ అవుతూ ఉంటాయి.ఆ ఫేక్‌ అకౌంట్లలో కొందరు ఆ సెలబ్రెటీల పరువును దెబ్బ తీసేలా కొందరు పోస్ట్‌లు చేస్తూ ఉంటారు.
తాజాగా అలాంటి సంఘటనే జరిగింది.అక్కినేని ప్రిన్స్‌ అఖిల్‌ పేరుతో ఒక ఫేక్‌ అకౌంట్‌ను అభినవ్‌ అనే యువకుడు క్రియేట్‌ చేశాడు.
గత కొన్ని నెలలుగా ఆ అకౌంట్‌ను నడుపుతూ అఖిల్‌లా నమ్మించాడు.దాంతో అఖిల్‌ పేరుతో ఉన్న ఆ అకౌంట్‌ను ఫాలో అయ్యే వారి సంఖ్య భారీగా పెరిగింది.
ఈ క్రమంలోనే అభినవ్‌ తన అసలు బుద్దిని బయట పెట్టాడు.ఫేస్‌బుక్‌లో తనకు పరిచయం అయిన ఒక యువతితో అఖిల్‌లా చాటింగ్‌ చేశాడు, అఖిల్‌నే అంటూ మోసం చేయడం మొదలు పెట్టాడు.
చాటింగ్‌ సందర్బంగా అభినవ్‌ డబ్బు ప్రస్థావన తీసుకు రావడంతో ఆ యువతికి అసలు విషయం అర్థం అయ్యింది.దాంతో అతడి మోసాన్ని బయట పెట్టాలనే ఉద్దేశ్యంతో తన సోదరుడితో కలిసి ఆపరేషన్‌ నిర్వహించింది.
ఆ యువతికి అనుకున్నట్లుగానే అభినవ్‌ చిక్కాడు.దాంతో అతడిని చితక బాది మరొకరిని ఇలా మోసం చేయవద్దనే ఉద్దేశ్యంతో పోలీసులకు అభినవ్‌ను అప్పగించింది.
