వేల సంవత్సరాలుగా ఎన్నో వాదనలు, ఎన్నో పరిశోధనలు, ఎన్నో నమ్మకాలు .అయినా ఇప్పటికి మాంసాహారం – శాఖహారంలో ఏ పద్ధతిని అవలంబించడం కరెక్టు అనే విషయాన్ని ఎవరు స్పష్టంగా చెప్పలేకపోతున్నారు.
అయితే ఆధునిక పరిశోధనలు చాలావరకు శాకహారం వైపు మొగ్గు చూపుతున్నాయి ఈ మధ్యకాలంలో.తాజాగా మరో అధ్యయనంలో మాంసాహారుల కన్నా శాఖహారులు ఎక్కువకాలం బ్రతుకుతారని చెప్పారు పరిశోధకులు.
జామా ఇంటర్నల్ మెడికల్ జర్నల్ ప్రచురించిన కథనం ప్రకారం అనిమల్ ప్రోటీన్ తీసుకున్న వారితో పోల్చుకుంటే ప్లాంట్ ప్రోటీన్ తీసుకున్నవారిలో డెత్ రేట్ చాలావరకు తగ్గుతుందట.ప్లాంట్ ప్రోటీన్‌లు పెరుగుతున్న కొద్ది 10 శాతంవరకు చావు ప్రమాదం తగ్గుతుందని, గుండె సంబంధిత వ్యాధులు వచ్చే అవకాశం 12 శాతం తగ్గుతుందని, పరిశోధకులు చెప్పుకొచ్చారు.
” ఇది పూర్తిగా ఆహారపు అలవాట్లును బట్టి చెప్పిన విషయం.అయితే మనిషి చావుకి ఇంకొన్నో కారణాలు ఉండవచ్చు.
అయితే అనిమల్ ప్రోటీన్ కి బదులు ప్లాంట్ ప్రోటీన్‌లు తీసుకోవడం ఉత్తమం.ఒకవేళ అనిమల్ ప్రొటీన్ ని వదులుకోలేకపోతే మాత్రం చికెన్, చేపులు తినడం మంచిది” అని శాస్త్రవేత్త మింగ్యాంగ్ సాంగ్ ఈ సందర్భంగా వాఖ్యానించారు.
