అమెరికా: కరోనా కాటుకు పిజ్జాహట్ కో ఫౌండర్ బలి

తల్లిదండ్రుల నుంచి అప్పు తీసుకుని వ్యాపారం:

1958లో సోదరుడు డాన్ (26) తో కలిసి అమెరికాలోని కాన్సాస్‌ విచితాలో 19 ఏళ్ల వయసులో పిజ్జా హట్‌ను స్థాపించారు ఫ్రాంక్ కార్నె.వారి తల్లిదండ్రుల నుంచి అప్పుగా తీసుకున్న 600 డాలర్లతో ప్రారంభించిన పిజ్జా హట్ అంచలంచెలుగా వృద్ధిని సాధించి ప్రపంచంలోని ప్రముఖ బ్రాండ్లలో ఒకటిగా అవతరించింది.ఈ దశలో 1977లో పిజ్జా హట్‌ను 300 మిలియన్‌ డాలర్లకు పెప్సికో కొనుగోలు చేసింది.ఆ తరువాత ఇతర ఆహార సంస్థలు, రియల్ ఎస్టేట్, ఆయిల్ అండ్ గ్యాస్, ఆటోమోటివ్, ఎంటర్‌టైన్‌మెంట్ సహా వివిధ వ్యాపార సంస్థలలో ఫ్రాంక్ పెట్టుబడులు పెట్టారు.

మరోవైపు అమెరికాలో కరోనా సెకండ్ వేవ్ కొనసాగుతోంది.వైరస్‌ బారిన పడి ఆసుపత్రిలలో చేరుతున్నవారి సంఖ‍్య రోజు రోజుకు పెరుగుతోంది.

నిన్న ఒక్కరోజే 2731 మంది మహమ్మారికి బలయ్యారు.కొత్తగా 1,95,121 పాజిటివ్‌ కేసులు నమోదయ్యాయి.

దీంతో అగ్రరాజ్యంలో కరోనా కేసుల సంఖ్య 1,43,13,941కు చేరింది.