పాముని చూస్తే భయపడని వారు ఎవరుంటారు.అంతెందుకు బొద్దింకను, బల్లిని చూసినా భయపడి పరుగులు తీసే వారు ఎంతో మంది ఉన్నారు.
అలాంటిది ఆ ఇంట్లో ఒకటో.రెండో కాదు.
ఏకంగా 120 కి పైగా సర్పాలు ఉన్నాయి.ఆ విష సర్పాల మధ్య ఓ వ్యక్తి చచ్చి పడిపోయి ఉన్నాడు.
అయితే, ఆ వ్యక్తి ఎలా చనిపోయాడనేది మాత్రం ఎవరికీ తెలియదు.వివరాల్లోకి వెళ్తే.
అమెరికాలోని మేరీల్యాండ్ లో ఓ 49 ఏళ్ల వ్యక్తి ఇంట్లో ఒంటరిగా నివసిస్తున్నాడు.ఎప్పుడూ ఆ ఇంటి నుండి మాటలు వినపడేవి.
ఆ వ్యక్తి కూడా అప్పుడప్పుడు బయటకు తిరుగుతుంటాడు.
కానీ ఓ రోజు ఆ ఇంటి నుండి ఎలాంటి మాటలు వినపడలేదు.
అంతా నిశ్శబ్దం.ఆ వ్యక్తి కూడా ఆ రోజు కనిపించలేదు.దీంతో పక్కింట్లో ఉన్న ఓ వ్యక్తికి అనుమానం వచ్చింది.దీంతో ఆ వ్యక్తి పక్కింటికి వెళ్లి డోర్ కొట్టి చూసాడు.లోపల డోర్ లాక్ చేసి ఉంది.దీంతో అతను కాలింగ్ బెల్ కొట్టాడు.
కానీ, అతడు లోపలి నుండి ఎవరూ స్పందించలేదు.దీంతో ఆ వ్యక్తి కిటికీ నుంచి లోపలికి చూడగా.
ఆ వ్యక్తి ఓ గదిలో కిందపడి కనిపించాడు.దీంతో అతడు పోలీసులకు కాల్ చేశాడు.
ఈ సమాచారం అందుకున్న పోలీసులు త్వరత్వరగా ఆ ఇంటికి చేరుకున్నారు.అయితే, ఆ గదిలో అడుగుపెట్టిన పోలీసులు ఒక్కసారిగా షాక్ తిన్నారు.చచ్చి పడి ఉన్న ఆ వ్యక్తి చుట్టూ.వందలాది సర్పాలు ఉన్నాయి.అయితే అవి బయట లేవు.ఇనుప జువ్వలతో తయారు చేసిన బాక్సుల్లో అవి పెట్టబడి ఉన్నాయి.
అయితే మొత్తం 124 పాములను చనిపోయిన ఆ వ్యక్తి బయట ఎవరికీ తెలియకుండా ఒక గదిలో పెట్టి పెంచుకుంటున్నాడు.అయితే, అతడు పాము కరవడం వలన చనిపోవడం జరిగిందా.? లేక మరొక కారణం ఏదైనా ఉందా? అనే విషయం మాత్రం తెలియాల్సి ఉంది.అయితే, మేరీల్యాండ్లో పై అధికారుల అనుమతి లేకుండా ఏ వన్య ప్రాణులను పెంచుకోకూడదు.
కానీ, అతడు మాత్రం వందలాది సర్పాలను ఇంట్లో ఉంచుకుని ఏం చేస్తున్నాడనేది తెలియాల్సి ఉంది.