ఖాకీల కళ్లలో కారం కొట్టిన కుటుంబం  

People Sprayed Chilli Powder On Police - Telugu Chilli Powder, Crime News, Police, Sprayed

సాధారణంగా దొంగలు పోలీసుల కళ్లలో కారం కొట్టి తప్పించుకుంటారు.కానీ అనకాపల్లి మండలంలో నిజంగానే పోలీసుల కళ్లలో కారం కొట్టారు కొందరు వ్యక్తులు.

People Sprayed Chilli Powder On Police

దీనికి సంబంధించిన పూర్తి వివరాల్లోకి వెళ్తే.అనకాపల్లి మండలం తగరంపూడిలో మద్యం బెల్టు దుకాణం నడిపిస్తున్నారనే సమాచారంతో పోలీసులు దాడులు నిర్వహించారు.

బెల్టు షాపు నిర్వహిస్తున్న కొప్పుల వెంకటలక్ష్మీ అనే మహిళ తన కుటుంబ సభ్యులతో కలిసి పోలీసులపై దాడికి దిగింది.పోలీసులు ఆమె బెల్టు దుకాణంలో మద్యం సీసాలను ధ్వంసం చేశారు.

దీంతో కోపం కట్టలుతెంచుకున్న వెంకటలక్ష్మీ తన భర్త ప్రసాదరావు, తల్లి భూషణ పార్వతి, సోదరుడు చిన్నారావులతో కలిసి దాడులు నిర్వహించిన రూరల్ ఎస్ఐ వెంకటేశ్వరరావుతో పాటు కానిస్టేబుళ్లపై కారం చల్లారు.

తమ అక్రమ మద్యం బెల్టు షాపును పోలీసులు ధ్వంసం చేస్తున్నారనే నెపంతో పోలీసుల కళ్లలో కారం కొట్టి వారు అక్కడి నుండి పారిపోయారు.

దీంతో పోలీసులు కేసు నమోదు చేసి దర్యాప్తు చేపట్టారు.అక్రమంగా మద్యం అమ్మడమే కాకుండా పోలీసుల కళ్లలో కారం కొట్టినందుకు గాను వెంకటలక్ష్మీ కుటుంబం కోసం పోలీసులు గాలిస్తున్నారు.

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube

తాజా వార్తలు

footer-test