6 వ తారీఖున జన్మించిన వారి గుణాలు,ప్రవర్తన,బాలలు,బలహీనతలు ఎలా ఉంటాయో వివరంగా తెలుసుకుందాం.6 వ సంఖ్యకు శుక్రుడు ఆధిపత్యం వహిస్తాడు.అందువల్ల 6 వ తారీఖున జన్మించిన వారిపై శుక్ర గ్రహ ప్రభావం ఎక్కువగా ఉంటుంది.వీరు చేసే పని పట్ల ఎక్కువ శ్రద్ద పెడతారు.అలాగే వీరిలో నిజాయితీ కాస్త ఎక్కువగానే ఉంటుందని చెప్పవచ్చు.వీరు అందంగా,ఆకర్షణీయంగా కన్పిస్తారు.
అందరిలో ప్రత్యేకంగా ఉండాలని భావిస్తారు.
వీరు ఒక పని పూర్తి అయ్యాక మాత్రమే మరొక పని గురించి ఆలోచన చేస్తారు.అంతేకాని ఒక పని మధ్యలో ఉన్నప్పుడు అసలు మరొక పని గురించి ఆలోచన చేయరు.వీరి ఆలోచనలు చాల లోతుగా ఉంటాయి.
అందువల్ల వీరి ఆలోచనల గురించి ఎదుటి వాడు తెలుసుకొనే అవకాశం ఉండదు.
వీరు కస్టపడి తెలివితేటలతో సంపాదించిన డబ్బును ఎక్కువగా ఆడంబరాలకు ఖర్చు చేస్తూ ఉంటారు.
వీరు ఇతరుల మెప్పును సాధించటానికి డబ్బును ఖర్చు పెట్టటమే కాకుండా అనవసర ప్రయత్నాలను కూడా చేస్తూ ఉంటారు.
వీరు ఇష్టమైన వారి కోసం ఏ పని చేయటానికి అయినా సిద్ధంగా ఉంటారు.
డబ్బు ఖర్చు పెట్టె విషయంలో వారికీ ఇష్టమైన వారి కోసం మాత్రం ఖర్చు పెట్టటానికి వెనకడుగు వేయరు.దానధర్మాల విషయంలో కాస్త వెనకడుగు వేస్తారు.ఏ పనైనా ఇష్టం అయితేనే చేస్తారు.ఇష్టం లేకపోతె అసలు ఆ పని జోలికి వెళ్ళరు.