ఏపీలో మెజార్టీ స్థానాల్లో పాగా వేయడమే లక్ష్యంగా ముందుకు వెళ్తున్న జనసేన పార్టీ … ఎన్నికలు సమీపిస్తున్న తరుణంలో పార్టీలో చేరికలపై దృష్టిపెట్టింది.ఆయా నియోజకవర్గాల్లో బలమైన … ప్రజల్లో మంచి గుర్తింపు ఉన్న తటస్థ వ్యక్తులను గుర్తించి మరీ వారికి జెండా కప్పుతున్నారు.
ఈ విధంగానే … సామజిక వేత్త … సీనియర్ జర్నలిస్టు పెంటపాటి పుల్లారావు జనసేన పార్టీలో చేరారు.ఈమేరకు జనసేన పార్టీ ప్రధాన కార్యాలయంలో ఈ రోజు సాయంత్రం జనసేన అధినేత పవన్ కల్యాణ్ను కలిసిన ఆయన పార్టీలో చేరిపోయారు.
ఆయనకు జనసేన పార్టీ కండువా కప్పి పార్టీలోకి ఆహ్వానించారు పవన్.
అమెరికాలో చదువుకున్న పుల్లారావు పోలవరం నిర్వాసితులకు చాలా పోరాటం చేశారని… పవన్ చెప్పుకొచ్చారు.అందుకే ఆయనకు జనసేనలో … పొలిటికల్ అఫైర్స్ కమిటీ సభ్యుడిగా నియమించినట్టు పవన్ వెల్లడించారు.పుల్లారావు అనుభవం జనసేన పార్టీకి ఎంతో ఉపయోగపడుతుందన్నారు.
రాజకీయాల్లో మార్పుకోసం పవన్ కల్యాణ్ చేస్తున్న పోరాటంలో తాను భాగస్వామిని ఈ సందర్భంగా పుల్లారావు వ్యాఖ్యానించారు.