టాలీవుడ్ ఇండస్ట్రీలో దర్శకేంద్రుడు రాఘవేంద్ర రావు ఎన్నో సూపర్ హిట్ సినిమాలకు దర్శకత్వం వహించి మరెన్నో మరుపురాని చిత్రాలను టాలీవుడ్ ప్రేక్షకులకు పరిచయం చేసాడు.అయితే ఆయన మరపురాని చిత్రాలలో బాగా గుర్తుండి పోయే చిత్రాలలో పెళ్లి సందడి ఒకరి.
ఈ సినిమాతో హీరో శ్రీకాంత్ ఒక్కసారిగా స్టార్ హీరోగా మారిపోయాడు.ఈ సినిమా సూపర్ హిట్ అవ్వడానికి పాటలు కూడా ముఖ్య కారణాలుగా చెప్పవచ్చు.
ఈ సినిమాలోని అన్ని పాటలు సూపర్ హిట్ అయ్యాయి.ఎంత హిట్ అయ్యాయంటే ఇప్పటికి ఈ సాంగ్స్ అంటే ఇష్టపడని వారు ఉండరేమో.ప్రస్తుతం రాఘవేంద్ర రావు ‘పెళ్లి సందD’ అనే సినిమాలో కొత్త తరం జంటతో మళ్ళీ మన ముందుకు రాబోతున్నాడు.దర్శకేంద్రుడు రాఘవేంద్ర రావు పర్యవేక్షణలో గౌరీ రోనంకి డైరెక్షన్ లో ఈ సినిమా తెరకెక్కుతుంది.
ఇందులో శ్రీకాంత్ కొడుకు రోషన్ హీరోగా నటిస్తుంటే తెలుగు అమ్మాయి శ్రీలీల హీరోయిన్ గా నటిస్తుంది.
ఈ సినిమాకు కూడా ఎం ఎం కీరవాణి సంగీతం అందిస్తున్నాడు.
ఈ సినిమా నుండి ఇప్పటికే రెండు సాంగ్స్ విడుదల అయ్యాయి.ఆ రెండు సాంగ్స్ సూపర్ హిట్ కూడా అయ్యాయి.
అయితే తాజాగా ఈ సినిమా నుండి మరొక సాంగ్ రాబోతుందని చిత్ర యూనిట్ తెలిపింది.ఈసారి టైటిల్ సాంగ్ తో మన ముందుకు రాబోతుంది చిత్ర యూనిట్.
ఈ సినిమా నుండి టైటిల్ సాంగ్ విడుదల చేయడానికి డేట్ ఫిక్స్ చేసినట్టు పోస్టర్ విడుదల చేసారు.రేపు ఉదయం 11 గంటలకు ఈ సినిమా నుండి టైటిల్ సాంగ్ ను విడుదల చేయబోతున్నట్టు చిత్ర యూనిట్ తెలిపింది.ఈ పాట కూడా ప్రేక్షకులను ఆకట్టుకుంటుందని ధీమాగా ఉంది చిత్ర యూనిట్.ఇది ఇలా ఉంటే ఈ సినిమాను ఆర్కే ఫిలిం అసోసియట్స్, ఆర్కా మీడియా వర్క్స్ బ్యానర్ పై నిర్మిస్తున్నారు.