టాలీవుడ్ లో 100 కు పైగా సినిమాలు చేసి ఎన్నో సూపర్ హిట్ సినిమాలకు దర్శకత్వం వహించి మరెన్నో మరుపురాని చిత్రాలను టాలీవుడ్ ప్రేక్షకులకు పరిచయం చేసాడు దర్శకేంద్రుడు రాఘవేంద్ర రావు.ఆయన మరపురాని చిత్రాలలో బాగా గుర్తుండి పోయే చిత్రం పెళ్లి సందడి.
ఈ సినిమా అప్పట్లో ఓ రేంజ్ లో హిట్ అవ్వడమే కాకుండా ఇప్పటికీ పెళ్లిసందడి అంటే ఒక బ్రాండ్ ఉంది.
ఈ సినిమాలో హీరోగా నటించిన శ్రీకాంత్ ఈ సినిమా హిట్ తో స్టార్ హీరో అయ్యాడు.అయితే ఈ సినిమా హిట్ అవ్వడానికి మూల కారణం ఇందులోని పాటలు అని చెప్పవచ్చు.ఈ సినిమా విడుదల అయ్యి ఇన్ని సంవత్సరాలు అవుతున్న ఇప్పటికి ఈ పాటలు ఎంతో మందికి ఇష్టం.
అయితే ఈ సినిమా వచ్చిన ఇంత కాలం తర్వాత మళ్ళీ అదే పేరుతొ కొత్త తరం జంటతో మళ్ళీ మన ముందుకు రాబోతున్నాడు.
దర్శకేంద్రుడు రాఘవేంద్ర రావు పర్యవేక్షణలో గౌరీ రోనంకి డైరెక్షన్ లో ఈ సినిమా తెరకెక్కుతుంది.
ఇందులో శ్రీకాంత్ కొడుకు రోషన్ హీరోగా నటిస్తుంటే తెలుగు అమ్మాయి శ్రీలీల హీరోయిన్ గా నటిస్తుంది.ఈ సినిమాకు కూడా ఎం ఎం కీరవాణి సంగీతం అందిస్తున్నాడు.
ఈ సినిమా నుండి ఇప్పటికే రెండు సాంగ్స్ విడుదల అయ్యాయి.ఆ రెండు సాంగ్స్ సూపర్ హిట్ కూడా అయ్యాయి.
తాజాగా ఈ సినిమా నుండి టైటిల్ సాంగ్ అయినా పెళ్లి పాటను చిత్ర యూనిట్ విడుదల చేసింది.పట్టుచీరల తళతళలు.పట్ట గొలుసుల గలగలలు.అంటూ సాగే ఈ పాట మరొకసారి రాఘవేంద్రరావు మార్క్ చూపించింది.ఎంతో కలర్ ఫుల్ గా ఉన్న ఈ పాట ప్రేక్షకులను బాగా ఆకట్టుకుంటుంది.ఈ పాటకు శేఖర్ కొరియోగ్రఫీ కూడా ప్లస్ అయ్యిదనే చెప్పాలి.
విడుదల తేదీని త్వరలోనే ప్రకటించి మన ముందుకు తీసుకురావాలని ప్రయత్నిస్తున్నారు చిత్ర యూనిట్.
