పవర్ స్టార్ పవన్ కళ్యాణ్ సినిమాల్లో రీఎంట్రీ సినిమాలతో ఫుల్ బిజీగా ఉన్నాడు.ఇప్పటికే బాలీవుడ్ సూపర్ హిట్ మూవీ ‘పింక్’ను రీమేక్ చేస్తున్న పవన్ ‘వకీల్ సాబ్’గా మనముందుకు రావడానికి రెడీ అవుతున్నాడు.
ఈ సినిమాకు సంబంధించిన ఫస్ట్ లుక్ ఇటీవల రిలీజ్ అయ్యి ప్రేక్షకులను బాగా ఆకట్టుకుంది.
ఇక ఈ సినిమా తరువాత పవన్ తన నెక్ట్స్ మూవీని దర్శకుడు క్రిష్ డైరెక్షన్‌లో తెరకెక్కించేందుకు రెడీ అవుతున్నాడు.
ఈ సినిమాకు విరూపాక్ష అనే టైటిల్‌ను చిత్ర యూనిట్ పెట్టాలని చూస్తోంది.ఇక వకీల్ సాబ్ చిత్రాన్ని తొలుత వేసవి కానుకగా రిలీజ్ చేయాలని చిత్ర యూనిట్ భావించింది.
కానీ ప్రస్తుతం నెలకొన్న కరోనా వైరస్ ప్రభావం వల్ల ఈ సినిమాను ఏకంగా ఆగస్టులో రిలీజ్ చేయాలని చూస్తున్నారు.అయితే ఆగస్టులో మెగాస్టార్ చిరంజీవి పుట్టినరోజు ఉన్న సంగతి అందరికీ తెలిసిందే.
మెగా ఫ్యాన్స్‌కు ఎంతో ఇష్టమైన రోజునే ఈ సినిమాను రిలీజ్ చేస్తే ఆ కిక్కే వేరుగా ఉంటుందని చిత్ర యూనిట్ భావిస్తోందట.ఈ క్రమంలోనే వారు సినిమాను ఆగస్టులో రిలీజ్ చేసేలా ప్లాన్ చేస్తున్నారు.
మొత్తానికి మెగాస్టార్ పుట్టిన రోజుకు పవర్ స్టా్ర్ ట్రీట్ అంటూ అది మామూలు రచ్చ కాదని మెగా ఫ్యాన్స్ అంటున్నారు.మరి ఈ సినిమాను ఆగస్టులోనే రిలీజ్ చేస్తారా లేక ముందే చేస్తారా అనేది చూడాలి.
