పవర్ స్టార్ పవన్ కళ్యాణ్ నటిస్తున్న లేటెస్ట్ మూవీ వకీల్ సాబ్ ఇప్పటికే మెజారిటీ షూటింగ్ ముగించుకుని రిలీజ్కు రెడీ అయ్యింది.ఈ సినిమాలో పవన్ లాయర్ పాత్రలో నటిస్తుండటంతో ఈ సినిమా కోసం పవన్ ఫ్యాన్స్ ఎంతో ఆసక్తిగా ఎదురుచూస్తున్నారు.
ఇక బాలీవుడ్లో సెన్సేషనల్ హిట్ మూవీగా నిలిచిన ‘పింక్’కు రీమేక్గా ఈ సినిమా వస్తుండటంతో వకీల్ సాబ్ ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా ఎదురుచూస్తున్నారు.
అయితే ఈ సినిమా కోసం పవన్ భారీ రెమ్యునరేషన్ తీసుకోనున్నట్లు గతంలోనే వార్తలు వచ్చాయి.
కాగా ప్రస్తుతం నెలకొన్న పరిస్థితుల కారణంగా ఈ సినిమా కోసం పవన్కు అంత భారీ మొత్తంలో రెమ్యునరేషన్ ఇవ్వలేమని చిత్ర నిర్మాత తెలిపినట్లు వార్తలు వస్తున్నాయి.అయితే ఈ సినిమా లాభాల్లో షేర్లు పవన్కు ఇవ్వనున్నట్లు వారు ఒప్పుకున్నారట.
దీంతో పవన్ కూడా దానికి ఓకే చెప్పిన్నట్లు తెలుస్తోంది.మొత్తానికి వకీల్ సాబ్ చిత్రంతో పవన్ రెమ్యునరేషన్ కంటే ఎక్కువే అందుకోనున్నట్లు చిత్ర వర్గాలు అంటున్నాయి.
ఇక వేణు శ్రీరామ్ డైరెక్ట్ చేస్తున్న ఈ సినిమాలో నివేదా థామస్, అంజలి హీరోయిన్లుగా నటిస్తుండగా, స్టార్ ప్రొడ్యూసర్ దిల్ రాజు ఈ సినిమాను ప్రొడ్యూస్ చేస్తున్నాడు.ఈ సినిమాతో పవన్ మరోసారి బాక్సాఫీస్ వద్ద సెన్సేషనల్ హిట్ అందుకోవడం ఖాయమని చిత్ర వర్గాలతో పాటు ప్రేక్షకులు అంటున్నారు.
ఇప్పటికే ఈ సినిమా ఫస్ట్ లుక్ పోస్టర్, లిరికల్ సాంగ్కు అదిరిపోయే రెస్పాన్స్ లభించింది.మరి ఈ సినిమా ఎప్పుడు రిలీజ్ అవుతుందో చూడాలి.