పవర్ స్టార్ పవన్ కళ్యాణ్ ప్రస్తుతం వరుసబెట్టి సినిమాలు చేస్తూ ఫుల్ స్పీడులో దూసుకుపోతున్నాడు.ఇప్పటికే తన నెక్ట్స్ మూవీ భీమ్లా నాయక్ చిత్రాన్ని రిలీజ్కు రెడీ చేస్తున్న పవన్, ఆ తరువాత మరో మూడు సినిమాలను లైన్లో పెట్టాడు.
ఈ జాబితాలో దర్శకుడు క్రిష్ డైరెక్షన్లో రాబోయే హరిహర వీరమల్లు, దర్శకుడు హరీష్ శంకర్ డైరెక్షన్లో ఓ సినిమాతో పాటు స్టైలిష్ డైరెక్టర్ సురేందర్ రెడ్డితో ఓ సినిమా కూడా ఉంది.ఇక దర్శకుడు హరీష్ శంకర్తో గతంలో గబ్బర్ సింగ్ లాంటి బ్లాక్బస్టర్ హిట్ అందుకున్న పవన్, ఈసారి ఎలాంటి సినిమాతో వస్తాడా అని అందరూ ఆసక్తిగా చూస్తున్నారు.
కాగా ఈ సినిమాకు సంబంధించి ఇండస్ట్రీ వర్గాల్లో రోజుకో వార్త వినిపిస్తోంది.తాజాగా ఈ సినిమాలో పవన్ పాత్రకు సంబంధించిన వార్త ఒకటి సోషల్ మీడియాలో చక్కర్లు కొడుతోంది.
ఈ సినిమాలో పవన్ ఓ జాతీయవాది వ్యక్తిగా ప్రేక్షకులను అలరించడమే కాకుండా ఆలోచంపజేసేలా కనిపిస్తాడని తెలుస్తోంది.దేశ రాజకీయాలపై తనదైన మార్క్తో పవన్ ఈ సినిమాలో పోరాటం చేయబోతున్నట్లు తెలుస్తోంది.
కమర్షియల్ అంశాలను పుష్కలంగా వాడటంతో పాటు ఓ చక్కటి మెసేజ్ కూడా దర్శకుడు హరీష్ శంకర్ ఈ సినిమాలో ఇవ్వబోతున్నట్లు తెలుస్తోంది.ఈ సినిమా పవన్ రాజకీయ ప్రస్థానానికి కూడా బాగా ఉపయోగపడుతుందని చిత్ర యూనిట్ భావిస్తున్నారట.
మొత్తానికి పవన్ కళ్యాణ్ ఈసారి సినిమాతో పాటు రాజకీయంగా కూడా ప్రేక్షకులను ఆలోచింపజేసేందుకు రెడీ అవుతుండటంతో, ఆయన అభిమానులు ఈ సినిమాను ఎప్పుడెప్పుడు చూద్దామా అని ఆసక్తిగా చూస్తున్నారు.ఇక ఈ సినిమాకు ‘భవదీయుడు భగత్ సింగ్’ అనే టైటిల్ను ఫిక్స్ చేసేందుకు చిత్ర యూనిట్ రెడీ అవుతున్నట్లు తెలుస్తోంది.
మరి ఈ సినిమాలో పవన్ పాత్ర ప్రేక్షకులపై ఎంతవరకు ప్రభావం చూపుతుందో తెలియాలంటే ఈ సినిమా రిలీజ్ అయ్యే వరకు ఆగాల్సిందే అంటున్నారు సినీ విశ్లేషకులు.