పవర్ స్టార్ పవన్ కళ్యాణ్ నటిస్తున్న లేటెస్ట్ మూవీ వకీల్ సాబ్ రిలీజ్‌కు రెడీ అయిన సంగతి తెలిసిందే.ఈ సినిమాతో దాదాపు రెండేళ్ల తరువాత పవన్ అదిరిపోయే హిట్ అందుకునేందుకు రెడీ అవుతున్నాడు.
ఇక ఈ సినిమా తరువాత పవన్ తన నెక్ట్స్ చిత్రాన్ని దర్శకుడు క్రిష్ డైరెక్షన్‌లో తెరకెక్కిస్తున్న సంగతి తెలిసిందే.ఈ సినిమాను ఎప్పుడో ప్రారంభించిన చిత్ర యూనిట్, ఇప్పటికే కొంతమేర షూటింగ్ కూడా జరుపుకుంది.
కాగా తాజాగా పవన్ ఈ సినిమా షూటింగ్‌లో మళ్లీ పాల్గొంటున్నాడు.
దీంతో ఈ సినిమా షూటింగ్‌ను వీలైనంత త్వరగా పూర్తి చేసేందుకు చిత్ర యూనిట్ రెడీ అవుతోంది.
ఈ సినిమా షూటింగ్‌లో పాల్గొంటున్న పవన్ ఈ మేరకు చిత్ర యూనిట్‌కు సూచించినట్లు తెలుస్తోంది.దీంతో ఈ సినిమా షూటింగ్‌ను ఏకధాటిగా జరిపి పూర్తి చేసేందుకు దర్శకుడు క్రిష్ ప్లాన్ చేస్తున్నాడు.
ఇక పీరియాడికల్ డ్రామాగా ఈ సినిమా కథను తీర్చిదిద్దుతున్న క్రిష్, ఈ సినిమాలో పవన్‌ను రాబిన్‌హుడ్ తరహా పాత్రలో చూపెట్టబోతున్నాడు.ఇప్పటికే ఈ సినిమా ప్రీలుక్ పోస్టర్ ప్రేక్షకుల్లో అదిరిపోయే అంచనాలను క్రియేట్ చేసింది.
అనుకున్న దానికంటే స్పీడుగా ఈ సినిమా షూటింగ్ జరుగుతుండటంతో వేసవి నాటికి ఈ సినిమా షూటింగ్ పూర్తయినా ఆశ్చర్యపోవాల్సిన పనిలేదని చిత్ర యూనిట్ అంటోంది.నిజంగానే ఈ సినిమా షూటింగ్‌ను పవన్ కళ్యాణ్ అనుకున్నదానికంటే ముందుగానే పూర్తి చేస్తాడా అనేది ప్రస్తుతం టాక్ ఆఫ్ ది టౌన్‌గా మారింది.
ఇక ఈ సినిమాలో పవన్ సరసన హీరోయిన్‌గా ఎవరు నటిస్తారనే అంశంపై ఇంకా క్లారిటీ రావాల్సి ఉంది.ఈ సినిమాను ఎట్టిపరిస్థితుల్లో ఈ ఏడాదిలోనే రిలీజ్ చేసేందుకు చిత్ర యూనిట్ ప్లాన్ చేస్తోంది.
మరి ఈ సినిమాకు ఎలాంటి టైటిల్‌ను పెడతారా, ఈ సినిమా ఎప్పుడు రిలీజ్ అవుతుందా అనేది ప్రేక్షకుల్లో చర్చనీయాంశంగా మారింది.
