పవర్ స్టార్ పవన్ కళ్యాణ్ దాదాపు రెండేళ్ల తరువాత ‘వకీల్ సాబ్’ చిత్రంతో టాలీవుడ్లో రీఎంట్రీ ఇస్తోన్న సంగతి తెలిసిందే.ఈ సినిమాను వేణు శ్రీరామ్ డైరెక్ట్ చేస్తుండగా, స్టార్ ప్రొడ్యూసర్ దిల్ రాజు ఈ సినిమాను ప్రొడ్యూస్ చేస్తున్నాడు.
కాగా ఈ సినిమా ఇప్పటికే మెజారిటీ షూటింగ్ పూర్తి చేసుకుని రిలీజ్కు రెడీగా ఉంది.ఇక ఈ సినిమా రిలీజ్ కాకముందే పవన్ తన నెక్ట్స్ చిత్రాలను కూడా లైన్లో పెట్టే పనిలో పడ్డాడు.
ఇప్పటికే స్టార్ డైరెక్టర్ క్రిష్ దర్శకత్వంలో తన నెక్ట్స్ మూవీని ఓకే చేసిన పవన్ త్వరలోనే ఈ సినిమాను పట్టాలెక్కించేందుకు రెడీ అయ్యాడు.ఈ సినిమాను తమిళ నిర్మాత ఏఎం రత్నం ప్రొడ్యూస్ చేయనున్న సంగతి తెలిసిందే.
కాగా ఈ సినిమాలో పవన్ రాబిన్హుడ్ తరహా పాత్రలో నటించనున్నాడు.కాగా ఈ సినిమా తరువాత దర్శకుడు హరీష్ శంకర్ డైరెక్షన్లో ఓ సినిమా చేసేందుకు పవన్ రెడీ అయ్యాడు.
ఆ తరువాత మరో డైరెక్టర్ సురేందర్ రెడ్డితో ఓ సినిమా చేసేందుకు పవన్ రెడీ అవుతున్నట్లు తెలుస్తోంది.
ఇప్పటికే సురేందర్ రెడ్డి చెప్పిన కథకు పవన్ ఓకే అనేశాడని, త్వరలోనే ఈ సినిమాను పట్టాలెక్కించేందుకు పవన్ ఆసక్తిగా ఉన్నాడని చిత్ర వర్గాల్లో టాక్ వినిపిస్తోంది.
ఇక ఈ సినిమాకు సంబంధించిన అనౌన్స్మెంట్ను పవన్ పుట్టినరోజు సందర్భంగా చేయనున్నట్లు తెలుస్తోంది.ఇక ఈ సినిమా సెట్ అవ్వడానికి మాటల మాంత్రికుడు త్రివిక్రమ్ ముఖ్య కారణమని తెలుస్తోంది.
మరి పవన్తో సురేందర్ రెడ్డి తెరకెక్కించబోయే సినిమా ఎలా ఉండబోతుందో చూడాలి.