రాజోలు ఎమ్మెల్యే అంటే పవన్ కు భయం ఎందుకు ?

దీనికి పవన్ సోదరుడు చిరంజీవి వ్యాఖ్యలను కూడా ఒక ఉదాహరణగా చూపిస్తున్నాడు.ఇంతగా జనసేన కు ఇబ్బందికరంగా మారినా పార్టీ అధిష్టానం ఏమైనా చర్యలు తీసుకుంటుందా అంటే అదీ కనిపించడం లేదు.రాపాక పై పవన్ ఏదైనా క్రమశిక్షణ చర్యలు తీసుకున్నా ఆయనను పార్టీ నుండి సస్పెండ్ చేసినా అది జనసేన కు మైనస్ గా మారడమే కాకుండా, రేపాకకు వరంగా మారుతుందని విశ్లేషకులు అంచనా వేస్తున్నారు.అది కాకుండా దళిత ఎమ్మెల్యే అనే వివక్ష కారణంగా పవన్ ఈ విధంగా వ్యవహరించారని, అందుకే ఆయన పార్టీ మారారు అనే ప్రచారాన్ని జనసేన రాజకీయ ప్రత్యర్ధులు ప్రచారం చేసే అవకాశం ఉండడంతో పవన్ వెనుక తగ్గుతున్నట్టు గా తెలుస్తోంది.

అది కాకుండా ఇటీవల టిడిపి నుంచి సస్పెండ్ అయిన గన్నవరం శాసనసభ్యుడు వల్లభనేని వంశీ ఇప్పుడు ప్రత్యేక ఎమ్యెల్యేగా గుర్తింపు పొందిన నేపథ్యంలో రాపాకను పవన్ సస్పెండ్ చేస్తే ఆయన కూడా అదేవిధంగా గుర్తింపు పొందాలని చూస్తున్నాడు.ఈ విషయాన్ని పసిగట్టిన పవన్ తమ మీద, తమ పార్టీ మీద విమర్శలు చేస్తున్న రాపాక వరప్రసాద్ విషయంలో ఏమీ చేయలేక సైలెంట్ గా ఉండిపోతున్నట్టు అర్ధం అవుతోంది.