పవర్ స్టార్ పవన్ కళ్యాణ్ ప్రస్తుతం బాలీవుడ సూపర్ హిట్ మూవీ ‘పింక్’ను తెలుగులో వకీల్ సాబ్ పేరుతో రీమేక్ చేస్తోన్న సంగతి తెలిసిందే.ఈ సినిమాతో అదిరిపోయే రీఎంట్రీ ఇచ్చేందుకు పవన్ రెడీ అవుతున్నాడు.
కాగా ఈ సినిమా తరువాత దర్శకుడు క్రిష్ డైరెక్షన్లో తన నెక్ట్స్ మూవీని రెడీ చేసేందుకు పవన్ రెడీ అవుతున్నాడు.అయితే ఈ క్రమంలో తమిళ సూపర్ హిట్ మూవీ ‘విక్రమ్ వేద’ను తెలుగులో పవన్ రీమేక్ చేయనున్నట్లు వార్తలు వస్తున్నాయి. ఈ సినిమా కాకుండా మరో మలయాళ చిత్రాన్ని కూడా పవన్ రీమేక్ చేస్తాడనే వార్తలు సోషల్ మీడియాలో చక్కర్లు కొడుతున్నాయి.మలయాళ నటుడు పృథ్వీరాజ్ నటించిన డ్రైవింగ్ లైసెన్స్ చిత్రానికి అక్కడ సూపర్ రెస్పాన్స్ లభించింది.
విమర్శకుల ప్రశంసలు సైతం అందుకున్న ఈ సినిమాను తెలుగులో రీమేక్ చేసేందుకు మెగా పవర్ స్టార్ రామ్ చరణ్ ప్రయత్నిస్తున్నాడు.కానీ ఈ సినిమాలో పవన్ను హీరోగా తీసుకుంటాడనే వార్తతో మెగా ఫ్యాన్స్తో పాటు పవన్ ఫ్యాన్స్ తీవ్ర ఆందోళన చెందుతున్నారు.
డ్రైవింగ్ లైసెన్స్ సినిమాలో హీరో పాత్రకు ఎక్కువగా ఎలివేషన్స్ లేకపోవడంతో పవన్ లాంటి క్రేజ్ ఉన్న స్టార్ అలాంటి సినిమా చేయకపోవడమే మంచిదని చిత్ర వర్గాలు అంటున్నాయి.మరి పవన్ ఈ సినిమాను చేస్తాడా లేడా అనేది ఆసక్తికరంగా మారింది.
అటు వకీల్ సాబ్ చిత్రాన్ని లాక్డౌన్ పూర్తి కాగానే రిలీజ్ చేసేందుకు పవన్ రెడీ అవుతున్నాడు.