పవర్ స్టార్ పవన్ కళ్యాణ్ నటిస్తున్న తాజా చిత్రానికి సంబంధించిన ఫస్ట్ లుక్ ఎప్పుడెప్పుడా అని చిత్ర వర్గాలతో పాటు ప్రేక్షకులు, అభిమానుల చాలా రోజుల నుండి ఆతృతగా ఎదురుచూస్తున్నారు.బాలీవుడ్ సూపర్ హిట్ మూవీ ‘పింక్’ను తెలుగులో రీమేక్ చేస్తున్న పవన్, ఈ సినిమాలో ఎలాంటి గెటప్‌లో కనిపిస్తాడా అనే ఆసక్తి సర్వత్రా నెలకొంది.
కాగా గతకొద్ది రోజులుగా ఈ సినిమా ఫస్ట్ లుక్‌కు సంబంధించి పలు వార్తలు సోషల్ మీడియాలో చక్కర్లు కొడుతున్నాయి.
అయితే ఈ వార్తలన్నింటినీ పటాపంచలు చేస్తూ పవన్ కళ్యాణ్‌కు సంబంధించిన ఫస్ట్ లుక్ గురించి తాజాగా చిత్ర యూనిట్ ఓ అనౌన్స్‌మెంట్ చేసింది.
ఈ సినిమాలో పవన్ ఫస్ట్ లుక్‌ను మార్చి 2న సాయంత్రం 5 గంటలకు రిలీజ్ చేస్తున్నట్లు చిత్ర యూనిట్ ప్రకటించింది.ఈ ప్రీలుక్‌ పోస్టర్‌ను చిత్ర యూనిట్ సోషల్ మీడియాలో కొద్దిసేపటి క్రితం పోస్ట్ చేయడంతో ప్రస్తుతం అది వైరల్‌గా మారింది.
ఈ ప్రీ-లుక్ పోస్టర్‌లో పవన్ జేబులో చేతులు పెట్టుకుని నడుచుకుంటూ వెళుతున్నాడు.
తొలిసారి లాయర్‌ పాత్రలో పవన్ కనిపిస్తుండటంతో ఈ సినిమా కోసం పవన్ ఫ్యాన్స్‌తో పాటు ఇండస్ట్రీ వర్గాలు కూడా చాలా ఆసక్తిగా ఎదురుచూస్తున్నాయి.ఇక ఈ సినిమాను వేణు శ్రీరామ్ డైరెక్ట్ చేస్తుండగా స్టార్ ప్రొడ్యూసర్ దిల్ రాజు నిర్మిస్తున్నాడు.నివేదా థామస్, అంజలి హీరోయిన్లుగా నటిస్తున్న ఈ సినిమాకు థమన్ సంగీతం అందిస్తుండగా మే నెలలో ఈ సినిమాను రిలీజ్ చేసేందుకు చిత్ర యూనిట్ రెడీ అవుతున్నారు.
తెలుగు వార్త విశేషాలు సులభముగా తెలుసుకోండి!!!!
