పవర్ స్టార్ పవన్ కళ్యాణ్ ప్రస్తుతం వరుసబెట్టి సినిమాలు చేస్తూ బిజీగా ఉన్నాడు.ఇప్పటికే బాలీవుడ్ సూపర్ హిట్ మూవీ పింక్ చిత్రాన్ని తెలుగులో రీమేక్ చేస్తున్న పవన్, ఆ తరువాత డైరెక్టర్ క్రిష్‌తో కలిసి ఓ సినిమా చేయనున్నాడు.
ఈ సినిమాలే కాకుండా పవన్ మరికొన్ని సినిమాలను కూడా లైన్‌లో పెట్టేందుకు రెడీ అవుతున్నాడు.
ఈ క్రమంలో మాటల మాంత్రికుడు త్రివిక్రమ్‌ను ఓ స్క్రిప్టు రెడీ చేయాల్సిందిగా ఆయన కోరినట్లు ఇండస్ట్రీలో వార్తలు వినిపిస్తున్నాయి.
కాగా మరో డైరెక్టర్ డాలీని కూడా ఆయన ఓ సినిమా స్క్రిప్టును రెడీ చేయాలని కోరాడట.గతంలో డాలీతో కలిసి విక్టరీ వెంకటేష్‌తో పవన్ చేసిన గోపాల గోపాల చిత్రం అందరికీ తెలిసిందే.
ఆ సినిమా బాక్సాఫీస్ వద్ద మంచి విజయాన్ని అందుకోవడంతో, ఆ సినిమాకు సీక్వెల్ కథను రెడీ చేయాలని పవన్ కోరాడట.
బాలీవుడ్‌లో ఓ మై గాడ్-2 అనే సీక్వెల్ కథ కూడా ఉండటం, గోపాల గోపాల చిత్రం పవన్‌కు చాలా బాగా నచ్చడంతో ఈ సీక్వెల్ చేసేందుకు ఆయన ఆసక్తి చూపుతున్నారట.
మరి డాలీ పవన్ కోసం గోపాల గోపాల చిత్రం సీక్వెల్‌ను రెడీ చేస్తాడా లేడా అనేది చూడాలి.
