పవర్ స్టార్ పవన్ కళ్యాణ్ ప్రస్తుతం వకీల్ సాబ్ చిత్రాన్ని రిలీజ్కు రెడీ చేశాడు.బాలీవుడ్ సూపర్ హిట్ మూవీ ‘పింక్’ను తెలుగులో రీమేక్ చేస్తూ ఈ సినిమాను తెరకెక్కిస్తున్నాడు దర్శకుడు వేణు శ్రీరామ్.
ఈ సినిమాలో పవన్ లాయర్ పాత్రలో నటిస్తుండగా ఈ సినిమాను ఎప్పుడెప్పుడు చూద్దామా అని ప్రేక్షకులు ఆసక్తిగా ఎదురుచూస్తున్నారు.కాగా ఈ సినిమా రిలీజ్ కాకముందే పవన్ తన నెక్ట్స్ మూవీని కూడా ఓకే చేశాడు.
దర్శకుడు క్రిష్ డైరెక్షన్లో పవన్ తన నెక్ట్స్ మూవీని తెరకెక్కించేందుక రెడీ అయ్యాడు.ఈ సినిమాను తమిళ ప్రొడ్యూసర్ ఏఎం రత్నం ప్రొడ్యూస్ చేస్తున్నాడు.కాగా ఈ సినిమాకు విరూపాక్ష అనే టైటిల్ను చిత్ర యూనిట్ ఫిక్స్ చేయాలని చూస్తున్నారు.అయితే ఈ సినిమాలో పవన్ రాబిన్హుడ్ తరహా పాత్రలో నటించేందుక సిద్ధమయ్యాడు.
ఈ సినిమాలో అతడి పాత్ర పేరు ‘వీర’గా ఉండనున్నట్లు తెలుస్తోంది.
ఉన్నవారి దగ్గర దోచుకుని లేనివారికి పంచిపెట్టే పాత్రలో పవన్ కనిపిస్తుండటంతో ఈ సినిమాకు విరూపాక్ష అనే టైటిల్ అయితే బాగుంటుందని చిత్ర యూనిట్ అంటోంది.
ఇక ఈ సినిమాలో బాలీవుడ్ బ్యూటీ జాక్వెలిన్ ఫర్నాండెజ్ హీరోయిన్గా నటించనున్నట్లు తెలుస్తోంది.మరి ఈ సినిమాలో పవన్ పేరు నిజంగానే ‘వీర’గా ఉండనుందా అనేది చూడలి.
కాగా ఈ సినిమాకు సంబంధించిన అప్డేట్ను సెప్టెంబర్ 2న రివీల్ చేసేందుకు చిత్ర యూనిట్ రెడీ అవుతోంది.