పవర్ స్టార్ పవన్ కళ్యాణ్ నటిస్తున్న లేటెస్ట్ చిత్రాల్లో దర్శకుడు క్రిష్ తెరకెక్కిస్తున్నహరిహర వీరమల్లు కూడా ఒకటి.ఈ సినిమా ఫస్ట్ లుక్ టీజర్ను ఇటీవల రిలీజ్ చేయగా, ఒక్కసారిగా ఈ సినిమా టాక్ ఆఫ్ ది టౌన్గా మారిపోయింది.
ఇక ఈ సినిమాను ఎప్పుడెప్పుడు చూద్దామా అని ప్రేక్షకులు ఎంతో ఆసక్తిగా ఎదురుచూస్తున్నారు.దర్శకుడు ఈ సినిమాను ఏ రేంజ్లో తెరకెక్కిస్తున్నాడో ఈ ఫస్ట్ లుక్ పోస్టర్ చూస్తే మనకు ఇట్టే అర్థమవుతోంది.
ఇక ఈ సినిమాలో పవన్ లుక్ను చాలా ప్రత్యేకంగా చూపించేందుకు దర్శకుడు క్రిష్ ప్రయత్నిస్తున్నాడు.
ఈ క్రమంలోనే ఆయన్ను ఈ సినిమాలో ఏకంగా మూడు విభిన్న లుక్స్లో ప్రేక్షకులకు చూపించేందుకు దర్శకుడు క్రిష్ రెడీ అవుతున్నాడు.
ఇందుకోసం పవన్ ఏకంగా 30 కాస్ట్యూమ్స్ మార్చనున్నట్లు తెలుస్తోంది.ఈ రేంజ్లో పవన్ను ఇంతకుముందు ఏ దర్శకుడు చూపెట్టకపోవడంతో ఇప్పుడు పవన్ ఫ్యాన్స్ ఈ సినిమా కోసం కళ్లు కాయలు కాచేలా ఎదురుచూస్తున్నారు.
వారు కూడా ఊహించని విధంగా ఈ సినిమా ఫస్ట్ గ్లింప్స్ ఉండటంతో ఈ సినిమాతో పవన్ ఇండస్ట్రీ రికార్డులను తిరగరాయడం ఖాయమని వారు ధీమా వ్యక్తం చేస్తున్నారు.ఈ క్రమంలోనే పవన్ లుక్స్ ఈ సినిమాకు కీలకం కానున్నట్లు చిత్ర వర్గాలు అంటున్నాయి.
ఇక ఈ సినిమాలో అందాల భామ నిధి అగర్వాల్ హీరోయిన్గా నటిస్తోండగా, బాలీవుడ్ బ్యూటీ జాక్వెలిన్ ఫర్నాండెజ్ కూడా ఓ కీలక పాత్రలో నటిస్తోంది.వీరమల్లు పాత్రలో పవన్ పర్ఫార్మెన్స్ ప్రేక్షకులకు గూస్బంప్స్ తెప్పించడం ఖాయమని చిత్ర వర్గాలు అంటున్నాయి.
అంతేగాక ఈ సినిమా కోసం సంగీత దర్శకుడు ఎంఎం కీరవాణి అదిరిపోయే సంగీతం అందించనున్నట్లు చిత్ర వర్గాలు చెబుతున్నాయి.మొత్తంగా హరిహర వీరమల్లు చిత్రం పవన్ కెరీర్లో ఓ మైల్స్టోన్ చిత్రంగా నిలవడం ఖాయమని చిత్ర వర్గాలు ధీమా వ్యక్తం చేస్తుండటంతో ఈ సినిమా ఎలా ఉండబోతుందా అనే ఆసక్తి అందరిలోనూ నెలకొంది.