పవన్ బాగా పుంజుకున్నాడే ! వైసీపీ భయం అదేనా ?

ప్రభుత్వాన్నిఇరుకున పెట్టే ఏ చిన్న సంఘటన జరిగినా టిడిపి కంటే ముందే పవన్ మేల్కొంటున్నాడు.ఆ సమస్యను హైలెట్ చేస్తున్నాడు.రాజధాని విషయంలోనూ ఆయన వేలు పెట్టాడు.

రాజధాని అమరావతి మరో ప్రాంతానికి తరలిస్తారని ప్రచారం నేపథ్యంలో పులివెందులలో పెట్టండి, హైకోర్టు కర్నూల్ లో ఏర్పాటు చేయండి అంటూ వెటకారం చేశాడు.ప్రభుత్వ పాఠశాలలో ఇంగ్లీష్ మీడియం ప్రవేశపెట్టడంపైనా ఈ రెండు పార్టీల మధ్య పెద్ద ఎత్తున యుద్ధం నడుస్తోంది.

ఒకరినొకరు వ్యక్తిగతంగా విమర్శించుకుంటూ రాజకీయ రచ్చ చేస్తున్నారు.వచ్చే ఎన్నికల నాటికి తాము బలపడాలంటే ఖచ్చితంగా ప్రజా ఉద్యమాలు చేయాల్సిందే అని పవన్ ఒక నిర్ణయానికి రావడంతో ఇప్పటి నుంచే ఆ పనికి శ్రీకారం చుట్టాడు.

ఈ విషయంలో తెలుగుదేశం పార్టీ వెనుకబడి పోయినట్టే అనిపిస్తోంది.అకస్మాత్తుగా పవన్ ఇలా రాజకీయంగా పుంజుకోవడం వైసీపీఎలేవు కలవరం పుట్టిస్తోంది.