ఎప్పుడో ఆదివారం ప్రారంభమయ్యే మ్యాచ్ కు.. అప్పుడే తన టాలెంట్ చూపిస్తున్న పాక్  

Pakistan Made A Video To Insulting The Abhinandan-india Vs Pakistan,insulting The Abhinandan,telugu Viral News Updates,ving Commander Abhinandan,viral In Social Media,world Cup 2019

ప్రపంచకప్‌లో భాగంగా భారత్, పాకిస్థాన్ మధ్య ఈ ఆదివారం మ్యాచ్ జరగనున్న సంగతి తెలిసిందే. అయితే అప్పుడే పొరుగుదేశం పాకిస్థాన్ కవ్వింపు ప్రక్రియను మొదలుపెట్టింది. ఇంకా ఈ మ్యాచ్ ప్రారంభంకాకుండానే ఈ మ్యాచ్‌పై అభిమానుల్లో ఉన్న ఆసక్తిని సొమ్ము చేసుకోవడానికి ఓ పాకిస్థాన్ టీవీ ఛానల్..

ఎప్పుడో ఆదివారం ప్రారంభమయ్యే మ్యాచ్ కు.. అప్పుడే తన టాలెంట్ చూపిస్తున్న పాక్ -Pakistan Made A Video To Insulting The Abhinandan

భారత్ వింగ్ కమాండర్ అభినందన్‌ను అవమానించేలా ఒక వీడియో ను రూపొందించింది. అయితే ఇప్పుడు ఈ వీడియో సోషల్ మీడియా లో హల్ చల్ చేస్తుంది.

గత కొంత కాలంగా భారత్-పాక్ సరిహద్దులో చోటుచేసుకుంటున్న పరిణామాల మధ్య ఈ రెండు దేశాలు కూడా ఎలాంటి టోర్నిలలో ఆడడం లేదు. అయితే ప్రపంచ కప్ లో ఈ రోజు దేశాలు తలపడనుండడం తో అభిమానులు ఆసక్తిగా ఎదురుచూస్తున్నారు. అయితే దీనిని అవకాశంగా తీసుకున్న పాక్ ఛానల్ ఒకటి ఒక వీడియోను రూపిందించింది.

అది కూడా భారత వింగ్ కమాండర్ అభినందన్ ను కించపరుస్తూ ఆ వీడియో ఉంది. ఇటీవల జరిగిన పుల్వామా ఉగ్రదాడిని నిరసిస్తూ భారత్ పాక్ భూభాగంలోని ఉగ్ర స్థావరాలపై వైమానిక దాడులకు దిగిన సంగతి తెలిసిందే. ఇందులో భారత్ విజయం సాధించడానికి కీలక పాత్ర పోషించాడు వింగ్ కమాండర్ అభినందన్.

అయితే దురదృష్టవశాత్తు ఆయన ఈ ఆపరేషన్‌లో పాక్ చేతికి చిక్కగా,ఆయన్ని చిత్ర హింసలకు గురి చివరికి అంతర్జాతీయ దేశాల నుంచి ఒత్తిడి రావడం తో చేసేదేమి లేక పాక్ అభినందన్ ను విడిచిపెట్టిన సంగతి తెలిసిందే.

అయితే ఇప్పుడు భారత్-పాక్ జట్ల మధ్య ఆదివారం జరగనున్న మ్యాచ్ నేపథ్యంలో అభినందన్ మీసకట్టు తో టీమిండియా జెర్సీ ధరించిన ఒక నటుడిని ప్రపంచ కప్ గురించి ప్రశ్నిస్తూ ఉంటారు. అయితే ఆ వీడియో లో ఆ వ్యక్తి కప్ లో టీ తాగుతూ ఉండగా, టాస్ గెలిస్తే ఏం చేస్తారు అని ప్రశ్నించగా. సారీ…నేనేమీ చెప్పకూడదు అంటూ సమాధానం చెబుతాడు. అలానే మరో రెండు ప్రశ్నలకు కూడా అలాంటి సమాధానం చెబుతాడు. చివరిగా కప్ తీసుకొని ఆ వ్యక్తి వెళ్లిపోతున్నా సమయంలో ఆగు కప్ ఎక్కడకి తీసుకెళుతున్నావ్ అంటూ ఆ కప్ లాక్కుంటారు. ఇదంతా కూడా ఆ వీడియో లో ఉంది.

ఇప్పుడు ఆ వీడియో వైరల్ గా మారింది. అభినందన్ పాక్ చేతికి చిక్కినప్పుడు ఎన్ని చిత్ర హింసలకు గురి చేసిన వారు అడిగిన ప్రశ్నలకు నేను అవి చెప్పకూడదు అంటూ సమాధానం ఇచ్చిన సంగతి తెలిసిందే. ఆ సమయంలో అభినందన్ చూపిన తెగువకు నెటిజన్లు అందరూ ఫిదా అయిపోయారు..

అయితే అప్పటి అభినందన్ సమాధానాన్ని ఎత్తి చూపుతూ పాక్ ఈ విధంగా కవ్వింపు వీడియో ను చిత్రీకరించింది.