పీక మీద కత్తి పెట్టి .. బట్టలు విప్పమని... వామ్మో !

నగరానికి చెందిన బాలిక ఇంటర్మీడియట్‌ మొదటి సంవత్సరం చదువుతోంది.ఆమె ఇంట్లో షేక్‌ ఇస్మాయిల్‌ డ్రైవర్‌గా పనిచేస్తున్నాడు.ఆమెను పాఠశాల నుంచి ఇంటికి తీసుకొచ్చే సమయంలో అసభ్యంగా ప్రవర్తించేవాడు.

ఈ విషయం ఎవరికైనా చెబితే తల్లిదండ్రులను చంపేస్తానని బెదిరించేవాడు.ఈ నెల 2వ తేదీన ఆమె ఇంట్లో ఉండగా వీడియో కాల్‌ చేశాడు.

పెంపుడు కుక్క గొంతు వద్ద కత్తి పెట్టి దుస్తులు తీసేయాలని ఆదేశించాడు.లేదంటే శునకాన్ని చంపేస్తానని బెదిరించడంతో అతడు చెప్పినట్టు చేసింది.

కుమార్తె ముభావంగా ఉండటం గమనించిన తల్లిదండ్రులు ఆమెను నిలదీయగా విషయం చెప్పింది.బాధితురాలి ఫిర్యాదు మేరకు పోలీసులు నిందితుడిపై పోక్సో కేసు నమోదు చేశారు.