ప్రస్తుతం ప్రతి ఒక్కరు కూడా వాట్సాప్ ను విచ్చల విడిగా వాడేస్తున్నారు.వాట్సాప్ కూడా రోజుకో సరికొత్త ఫీచర్ తో యూజర్లను ఆకర్షిస్తూ వస్తుంది.
ఈ క్రమంలోనే వాట్సాప్ కొత్త రకం డెలివరీ సర్వీస్ లను తమ ప్లాట్ఫాం ద్వారా అందుబాటులోకి తీసుకువచ్చింది.తాజాగా కేరళకు చెందిన మొదటి హైపర్ లోకల్ డెలివరీ స్టార్టప్ ఎరాండో (Errando) ప్రపంచంలోనే మొట్టమొదటిసారిగా వాట్సాప్ బేస్డ్ డెలివరీ సర్వీసులను ప్రారంభించింది.
ఈథర్ ఈ సంస్థ సేవల కోసం ఫుడ్, స్టేషనరీ, మందులు, కిరాణ సరుకులు లేదా పికప్, డ్రాప్ సర్వీసుల కోసం కస్టమర్లు 7994834834 అనే నెంబర్కు వాట్సాప్ నుంచి హలో అని మెసేజ్ చేసి ఈ సేవలు పొందవచ్చని ఆ సంస్థ ప్రకటించింది.ఆ నెంబర్ నుంచి వచ్చే ఆటోమేటెడ్ మెసేజులు ఆర్డర్లను ప్లేస్ చేయడంలో కస్టమర్లను గైడ్ చేస్తాయి.
డెలివరీ లేదా పికప్ సేవల కోసం టైప్ చేసి మీ అడ్రస్ ను షేర్ చేయవచ్చు.నిజానకి ఈ సర్వీస్ ను ఆరేళ్ళ క్రితమే ప్రారంభించారు.అంటే 2016లోప్ ఫుడ్ అఫ్ టచ్ పేరుతో ఈ స్టార్టప్ను షమీర్ అనే వ్యక్తి తన స్నేహితులతో కలిసి ప్రారంభించారు.అప్పట్లో ఇది రెస్టారెంట్లు నుంచి ఫుడ్ మాత్రమే డెలివరీ చేసేది.
ఆ తర్వాత 2018లో Errando గా పేరు మార్చి కేరళలోని మూడు నగరాలకు దీని సేవలని విస్తరించారు.అలా మెల్లమెల్లగా 2020లో ఇది బెంగళూరులో కూడా ప్రారంభించారు.
ప్రస్తుతం కొచ్చి, కొళికోడ్, తిరువనంతపురం, బెంగళూరు నగరాల్లో సేవలందిస్తోంది.దక్షిణాదిన మరో ఆరు నగరాలు- హైదరాబాద్, చెన్నై, కోయంబత్తూరు, మైసూరు, మంగళూరు, త్రిస్సూరుకు సేవలను విస్తరిస్తోంది.ప్రెజెంట్ తాము ప్రతి నెలా 1.5 లక్షల ఆర్డర్లు పూర్తి చేస్తున్నామని షమీర్ తెలిపారు.అలాగే Errando సేవలను రోజుకు 2000 మంది కస్టమర్లు ఉపయోగిస్తున్నారు.
కరోనా అప్పుడు లాక్డౌన్ సమయంలో రోజుకు 3000 మంది ఈ సేవలు ఉపయోగించుకున్నారు.ఇదిలా ఉండగా కస్టమర్లు ఆటో జనరేటెడ్ పేమెంట్ లింక్ ఉపయోగించి పేమెంట్స్ చేయవచ్చన్నారు.వాట్సాప్ ఆధారిత సేవలు పొందడం వల్ల మరొక ఉపయోగం ఏంటంటే మీ ఫోన్లో ర రకరకాల యాప్స్ డౌన్లోడ్ చేసుకునే అవసరం ఉండకపోవడంతో పాటు, ఫోన్ యొక్క స్టోరేజ్ నిండిపోవడం, స్మార్ట్ ఫోన్ పనితీరు తగ్గడం లాంటి డిస్ అడ్వాంటెజెస్ కూడా ఉండవు అని షమీర్ గుర్తు చేసారు.
ప్రస్తుతం ఈ సేవలు ఇంగ్లిష్లోనే అందుబాటులో ఉండగా మరి కొద్ది రోజుల్లో మలయాళం, హిందీ, తమిళం, కన్నడ భాషల్లో విస్తరించనున్నారు.