ఈ మధ్యకాలంలో కొందరు డబ్బు సంపాదించడానికి దొంగతనాలను వృత్తిగా చేసుకుంటున్నారు. మరికొందరు తాము చేసేటువంటి పనుల వల్ల వచ్చే ఆదాయం సరిపోక అడ్డదారుల్లో డబ్బు సంపాదించడానికి దొంగతనాలను వృత్తిగా చేసుకుంటున్నారు.
కాగా తాజాగా ఓ అందమైన గాయని డబ్బు సంపాదించడం కోసం దొంగగా మారి పోలీసులకు చిక్కిన ఘటన దేశ ఆర్థిక రాజధాని ముంబైలో కలకలం సృష్టించింది…
వివరాల్లోకి వెళితే ‘అర్చన బరువా” అనే ఓ యువతి స్థానిక ముంబై నగర పరిసర ప్రాంతంలో నివాసముంటోంది. అయితే ఈమె అప్పుడప్పుడు కుటుంబ పోషణ నిమిత్తమై పెళ్ళిళలో మరియు ఇతర వేడుకలలో ఆర్కెస్ట్రా గ్రూపులో సింగర్ గా పని చేసేది.
ఈ మధ్య కాలంలో ఈ అమ్మడికి ఆర్కెస్ట్రా గా పనిచేసిన సమయంలో వచ్చేటటువంటి డబ్బులు సరిపోక దొంగగా మారింది.ఈ క్రమంలో పలుచోట్ల దొంగతనాలకు పాల్పడి దాదాపుగా పది లక్షల రూపాయల విలువ చేసే ఆభరణాలు అపహరించింది.
దీంతో ఈ అమ్మడు దొంగతనాలకి పాల్పడిన ప్రదేశాల్లో ఉన్నటువంటి సీక్రెట్ కెమెరాల ద్వారా ఇటీవలే పోలీసులు గుర్తించారు.
దొంగ వివరాలు తెలుసుకున్న పోలీసులు రంగంలోకి దిగి వెంటనే ఈ అమ్మడిని అదుపులోకి తీసుకొని విచారణ చేపట్టారు.
అయితే ఈ విచారణలో అర్చన బరువా దొంగతనం చేసినటువంటి సొమ్ముతో జల్సాలు చేసేదని ఈ క్రమంలో దేశంలోని పలు పర్యాటక ప్రాంతాలకు విమానంలో ప్రయాణించేదని తెలిపింది. అంతేగాక పలు పర్యాటక ప్రాంతాలలో దొంగతనాలకు కూడా పాల్పడినట్లు తెలిపింది.