మాటల మాంత్రికుడు త్రివిక్రమ్ శ్రీనివాస్ – టాలీవుడ్ యంగ్టైగర్ ఎన్టీఆర్ కాంబినేషన్లో సినిమా అంటే ఎలాంటి అంచనాలు ఉంటాయో ప్రత్యేకంగా చెప్పక్కర్లేదు.ఇంకా చెప్పాలంటే ఈ కాంబినేషన్లో సినిమా కోసం టాలీవుడ్ సినీ జనాలు అందరూ దాదాపు దశాబ్దం కాలానికి పైగా వెయిటింగ్లో ఉన్నారు.
ఎట్టకేలకు గతేడాది చివర్లో పవన్కళ్యాణ్ చేతుల మీదుగా ప్రారంభోత్సవం జరుపుకున్న ఈ సినిమా నాలుగైదు నెలలు గ్యాప్ తీసుకుని సెట్స్మీదకు వెళ్లింది.
సూపర్ క్రేజీ కాంబినేషన్ కావడంతో ఈ సినిమా సెట్స్మీదకు వెళ్లినప్పటి నుంచి ఈ ప్రాజెక్టు గురించి ఏ చిన్న వార్త వచ్చినా ఆసక్తిగానే ఉంటోంది.హీరోయిన్లు, ఇతర సాంకేతిక నిపుణులు ఇలా ప్రతి ఒక్కటి సంచలనమవుతూనే వస్తోంది.ఇక ఈ సినిమాకు ఎలాంటి టైటిల్ ఉంటుందన్నది పెద్ద సస్పెన్స్గా ఉంది.
శనివారం సాయంత్రం టైటిల్, లోగో ఎనౌన్స్ చేస్తోన్న సంగతి తెలిసిందే.
విశ్వసనీయ వర్గాల సమాచారం ప్రకారం ఈ సినిమా టైటిల్ ఇండస్ట్రీ ఇన్నర్ సర్కిల్స్ ద్వారా ముందే లీక్ అయ్యింది.సాయంత్రం 4.50 గంటలకు టైటిల్ లీక్ అవుతుండడంతో ఎన్టీఆర్ అభిమానులు అయితే తెగ టెన్షన్ పడిపోతున్నారు.త్రివిక్రమ్ ఎలాంటి టైటిల్ పెడతాడా ? అని వెయిటింగ్లో ఉన్నారు.ఇక లీక్ అయిన టైటిల్ ప్రకారం అరవింద సమేత వీర రాఘవ అనిఒక టైటిల్ ఫైనలైజ్ కాబోతున్నట్టు తెలుస్తోంది.
ఇక టైటిల్ చూస్తేనే త్రివిక్రమ్ తన మార్క్ చూపించాడని తెలుస్తోంది.ఈ సినిమాలో పూజా హెగ్డే, శ్రద్ధా కపూర్ హీరోయిన్లుగా నటిస్తున్నారు.కంటిన్యూగా షూటింగ్ జరిపి వచ్చే దసరాకు ప్రేక్షకుల ముందుకు తీసుకు రావాలని చూస్తున్నారు.అజ్ఞాతవాసి సినిమాతో రేసులో వెనకపడ్డ త్రివిక్రమ్ ఈ సినిమాను కసితో తెరకెక్కిస్తున్నారు.