మాటల మాంత్రికుడు త్రివిక్రమ్ శ్రీనివాస్, యంగ్ టైగర్ జూనియర్ ఎన్టీఆర్ కాంబినేషన్ లో అయినను పోయిరావలె హస్తినకు పేరుతో ఒక సినిమా తెరకెక్కుతున్న సంగతి తెలిసిందే.అరవింద సమేత హిట్ తరువాత త్రివిక్రమ్ ఎన్టీఆర్ కాంబినేషన్ లో తెరకెక్కుతున్న ఈ సినిమాకు వేరే టైటిళ్లు కూడా వినిపించినా చివరకు ఇదే టైటిల్ ఫైనల్ చేసినట్లు తెలుస్తోంది.
సినిమాలో జూనియర్ ఎన్టీఆర్ చౌడప్ప నాయుడు అనే పాత్రలో నటిస్తున్నట్టు ప్రచారం జరుగుతోంది.
అయితే ప్రస్తుతం జూనియర్ ఎన్టీఆర్ ఆర్ఆర్ఆర్ మూవీ షూటింగ్ లో పాల్గొంటున్నారు.
ఈ సినిమాలో కొమురం భీమ్ పాత్రలో నటిస్తున్న ఎన్టీఆర్ ఆ పాత్ర కోసం తన లుక్ ను మార్చుకున్నారు.ఇకపోతే ఎన్టీఆర్ త్రివిక్రమ్ మూవీ షూటింగ్ ఈ ఏడాది మే నెల 20వ తేదీ నుంచి ప్రారంభం కానుందని తెలుస్తోంది.
వచ్చే ఏడాది సంక్రాంతి టార్గెట్ గా ఈ సినిమా తెరకెక్కుతోందని సమాచారం.మే 20వ తేదీన జూనియర్ ఎన్టీఆర్ పుట్టినరోజు సందర్భంగా ఈ సినిమా షూటింగ్ ప్రారంభం కానుంది.
మొదట మార్చి నెల నుంచే ఎన్టీఆర్ త్రివిక్రమ్ మూవీ ప్రారంభమవుతుందని వార్తలు వినిపించినా రెండు నెలలు ఆలస్యంగా ఈ సినిమా షూటింగ్ ప్రారంభం కానుందని సమాచారం.త్రివిక్రమ్ ప్రస్తుతం అయ్యప్పనుమ్ కోషియమ్ మూవీ రీమేక్ లో కథ, కథనంలో కీలక మార్పులు చేయడంతో పాటు ఈ సినిమాకు మాటల రచయితగా వ్యవహరిస్తున్నారు.
అల వైకుంఠపురములో లాంటి బ్లాక్ బస్టర్ హిట్ తరువాత ఎన్టీఆర్ త్రివిక్రమ్ కాంబినేషన్ లో ఈ సినిమా తెరకెక్కుతోంది.
పవన్ కళ్యాణ్, అల్లు అర్జున్ లకు ఇండస్ట్రీ హిట్లు ఇచ్చిన త్రివిక్రమ్ ఎన్టీఆర్ కు కూడా ఇండస్ట్రీ హిట్ ఇస్తాడని ఆయన అభిమానులు ఆశిస్తున్నారు.ఆర్ఆర్ఆర్ మూవీ విడుదలైన కొన్ని నెలలకే ఈ సినిమా షూటింగ్ ప్రారంభం కానుందని తెలుస్తోంది.
.
తెలుగు వార్త విశేషాలు సులభముగా తెలుసుకోండి!!!!
