యంగ్ టైగర్ ఎన్టీఆర్ ప్రస్తుతం రాజమౌళి డైరెక్షన్‌లో ఆర్ఆర్ఆర్ సినిమాలో నటిస్తున్న సంగతి అందరికీ తెలిసిందే.భారీ బడ్జెట్‌తో బిగ్గెస్ట్ మల్టీస్టారర్ మూవీగా ఈ సినిమా తెరకెక్కుతుండటంతో ఈ సినిమా కోసం యావత్ ప్రేక్షకులు ఆసక్తిగా ఎదురుచూస్తున్నారు.
అయితే ఈ సినిమా షూటింగ్ ముగియక ముందే తారక్ తన నెక్ట్స్ మూవీని కూడా ప్రారంభించాడు.
మాటల మాంత్రికుడు త్రివిక్రమ్‌తో కలిసి అరవింద సమేత వీరరాఘవ అనే సినిమాతో అదిరిపోయే హిట్ అందుకున్న తారక్, మరోసారి ఆయనతో సినిమా చేయనున్నాడు.
ఈ సినిమాకు సంబంధించిన ప్రారంభోత్సవం కూడా ఇప్పటికే జరిగిపోయింది.కాగా ఈ సినిమాను పూర్తి యాక్షన్ ఎంటర్‌టైనర్‌గా తెరకెక్కించేందుకు త్రివిక్రమ్ రెడీ అవుతున్నాడు.ఇక ఈ సినిమాకు తారక్, త్రివిక్రమ్ భారీ రెమ్యునరేషన్ తీసుకుంటున్నారు.
అల వైకుంఠపురములో సినిమాకు త్రివిక్రమ్ రూ.15 కోట్లు తీసుకోగా, ఈ సినిమా కోసం ఏకంగా రూ.20 కోట్లు తీసుకుంటున్నాడట.అటు తారక్ ఈ సినిమా కోసం రూ.40 కోట్లు పుచ్చుకుంటున్నాడట.దీంతో ఈ సినిమా బడ్జెట్‌లో సగం వీరిద్దరే తీసుకుంటున్నట్లు తెలుస్తోంది.కాగా ఈ సినిమాను రూ.125 కోట్ల భారీ బడ్జెట్‌తో తెరకెక్కించేందుకు చిత్ర యూనిట్ రెడీ అయ్యింది.అయినను పోయి రావలే హస్తినకు అనే టైటిల్‌తో రానున్న ఈ సినిమాలో పూజా హెగ్డే, రష్మిక మందన్న హీరోయిన్‌లుగా నటిస్తున్నారు.
