టాలీవుడ్ యంగ్ టైగర్ ఎన్టీఆర్ ఒకవైపు సినిమాలు చేస్తూనే మరొక వైపు జెమినీ టివిలో ప్రసారం అవుతున్న ”ఎవరు మీలో కోటీశ్వరులు” షోకు వ్యాఖ్యాతగా కూడా వ్యవహరిస్తున్నాడు.తెలుగు బుల్లితెర ప్రేక్షకులను తారక్ తన హోస్టింగ్ తో అలరిస్తునే తన యాంకరింగ్ తో ఈ షో ను టాప్ లో నిలబెట్టే ప్రయత్నం చేస్తున్నాడు.
ఈ షోలో మొదటిసారి వ్యాఖ్యాతగా పాల్గొంటున్న తన వాక్ చాతుర్యంతో ఈ షో రేటింగ్స్ ను నిలకడగా ఉండేలా చేస్తున్నాడు.
ఇక అప్పుడప్పుడు సెలెబ్రిటీలను కూడా ఈ షోకు ఆహ్వానించి వారితో కూడా గేమ్ ఆడిస్తున్నాడు తారక్.
ఇక ఈ షోలో తాజాగా ఎన్టీఆర్ చేసిన కామెంట్స్ వైరల్ అవుతున్నాయి.ఈ షోలో ఒక సందర్భంలో పవర్ స్టార్ పవన్ కళ్యాణ్ సినిమాల్లో ఏ సినిమా అంటే ఇష్టం అనే టాపిక్ వచ్చింది.
దీనికి తారక్ ఆన్సర్ కూడా చేసాడు.పవన్ నటించిన సినిమాల్లో తారక్ కు ”తొలిప్రేమ” సినిమా అంటే ఇష్టమట.
ఈ ఆన్సర్ అటు పవర్ స్టార్ అభిమానులను, ఇటు తారక్ అభిమానులకు కూడా నచ్చింది.
ఈ షో ద్వారా తారక్ అలా చెప్పడంతో ఇరు అభిమానుల మధ్య మంచి సంబంధాలు కొనసాగే అవకాశాలు ఎక్కువ అవుతాయి.ఇక ఎన్టీఆర్ సినిమాల విషయానికి వస్తే.ఎన్టీఆర్ ప్రెసెంట్ దర్శక ధీరుడు రాజమౌళి దర్శకత్వంలో ఆర్ఆర్ఆర్ సినిమాను పూర్తి చేసి విడుదలకు సిద్ధంగా ఉంచాడు.
ఈ సినిమా వచ్చే ఏడాది జనవరి 7న సంక్రాంతి కానుకగా విడుదల కాబోతున్న నేపథ్యంలో ప్రమోషన్స్ లో కూడా వేగం పెంచారు.ఇక ఈ సినిమా తర్వాత ఎన్టీఆర్ కొరటాల శివ దర్శకత్వంలో తన 30వ సినిమాను స్టార్ట్ చేయబోతున్నాడు.వచ్చే నెల ఈ సినిమా సెట్స్ మీదకు వెళ్లే అవకాశాలు ఉన్నాయి.ఇక ఈ సినిమాను కొరటాల శివ భారీ స్థాయిలో పాన్ ఇండియా సినిమాగా తెరకెక్కించ బోతున్నాడు.
ప్రెసెంట్ ఎన్టీఆర్ ఫ్యామిలీతో కలిసి వెకేషన్ ఎంజాయ్ చేస్తున్నాడు.