ప్రస్తుతం ఎన్టీఆర్ దర్శక ధీరుడు రాజమౌళి దర్శకత్వంలో ఆర్ ఆర్ ఆర్ సినిమా చేస్తున్నాడు.బిగ్గెస్ట్ మల్టీ స్టార్ మూవీగా తెరకెక్కుతున్న సినిమాలో మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ ప్రధాన పాత్రలు పోషిస్తున్నారు.
ఈ సినిమా షూటింగ్ ప్రస్తుతం శరవేగంగా జరుగుతుంది.ఈ సినిమాను భారీ బడ్జెట్ తో పాన్ ఇండియా సినిమాగా రూపొందిస్తున్నారు.
ఈ సినిమాలో ఎన్టీఆర్ కొమరం భీం గా నటిస్తుంటే రామ్ చరణ్ అల్లూరి సీతారామరాజుగా నటిస్తున్నాడు.ఈ సినిమాను డివివి దానయ్య 450 కోట్ల బడ్జెట్ తో నిర్మిస్తున్నాడు.
ఎన్టీఆర్ సరసన విదేశీ భామ నటిస్తుంటే, రామ్ చరణ్ సరసన ఆలియా భట్ నటిస్తుంది.అయితే ఈ సినిమా తర్వాత ఎన్టీఆర్ నెక్స్ట్ సినిమా ఎవరితో చేస్తాడా అని ఇన్నాళ్లు అందరూ అనుకుంటూ ఉన్నారు.
ఎన్టీఆర్ నెక్స్ట్ ప్రాజెక్ట్ కొరటాల శివతో చేయబోతున్నట్టు అధికారికంగా ప్రకటించారు.ఈ సినిమా ఎన్టీఆర్ కెరీర్ లో 30 వ సినిమాగా తెరకెక్కుతుంది.ఈ సినిమా కూడా పాన్ ఇండియా లెవల్లో నందమూరి కళ్యాణ్ రామ్ సమర్పణలో కొరటాల శివ స్నేహితుడు మిక్కిలినేని సుధాకర్ ఎన్టీఆర్ ఆర్ట్స్, యువసుధ ఆర్ట్స్ బ్యానర్స్ పై నిర్మించబోతున్నారు.ఈ సినిమా ఏప్రిల్ 29 2022 న విడుదల చేయనున్నట్టు కూడా ప్రకటించారు.
అయితే ఇప్పుడు మరొక సినిమా గురించి కూడా వార్తలు వస్తున్నాయి. #NTR31 సినిమాను ఆయన పుట్టినరోజు నాడు అనౌన్స్ చేసే అవకాశాలు ఉన్నట్లు తెలుస్తుంది.
ఈ సినిమా కేజిఎఫ్ డైరెక్టర్ ప్రశాంత్ నీల్ దర్శకత్వంలో ఉండబోతుందని టాక్.ఈ సినిమా గురించి ఎప్పటి నుండో వార్తలు వస్తున్నాయి.
ఈ సినిమా మే 20 న ఎన్టీఆర్ పుట్టిన రోజునాడు అధికారికంగా ప్రకటించబోతున్నారని ఇండస్ట్రీ నుండి వినిపిస్తున్న టాక్.