రాయల్ ఎన్‌ఫీల్డ్ లవర్స్‌కి కిక్కిచ్చే న్యూస్.. ఇకపై 25 నగరాల్లో బైక్ రెంట్‌కు తీసుకోవచ్చు...!

రాయల్ ఎన్‌ఫీల్డ్( Royal Enfield ) లవర్స్‌కి కిక్కిచ్చే న్యూస్ చెప్పింది ఆ కంపెనీ.

తాజాగా ఈ బైక్ తయారీదారు భారతదేశంలో "రాయల్ ఎన్‌ఫీల్డ్ రెంటల్స్"( Royal Enfield Rental ) పేరుతో కొత్త మోటార్ సైకిల్ రెంటల్ ప్రోగ్రామ్‌ను ప్రారంభించింది.

ఈ ప్రోగ్రామ్‌ భారతదేశంలోని 25 నగరాల్లో 40కి పైగా మోటార్‌సైకిల్ రెంటల్ ఆపరేటర్‌ల సహకారంతో ప్రజలకు మోటార్‌సైకిల్స్‌ను అద్దెకు అందిస్తుంది.రాయల్ ఎన్‌ఫీల్డ్ రెంటల్స్‌లో 300 కంటే ఎక్కువ మోటార్‌సైకిళ్లు అద్దెకు అందుబాటులో ఉంటాయి.

ఈ ప్రోగ్రామ్ విశాఖపట్నం,( Vishakapatnam ) హైదరాబాద్,( Hyderabad ) అహ్మదాబాద్, ముంబై, గుజరాత్, మహారాష్ట్ర, చండీగఢ్, ధర్మశాల, లేహ్, మనాలి, హరిద్వార్, రిషికేశ్, ఉదయపూర్, జైపూర్, జైసల్మేర్, గోవా, కొచ్చి, భువనేశ్వర్, తిరువనంతపురం, ఢిల్లీ, చెన్నై, బెంగళూరు, సిమ్లా, నైనిటాల్, బిర్ బిల్లింగ్, సిలిగురి, డెహ్రాడూన్ వంటి నగరాల్లో అందుబాటులో ఉంటుంది.భవిష్యత్తులో మరిన్ని నగరాలను ఈ జాబితాలో చేర్చాలని కంపెనీ యోచిస్తోంది.