అనారోగ్య కారణాలతో బిగ్బాస్ హౌస్ నుంచి నోయల్ బయటికి వెళ్లిపోయాడు.గత కొద్దిరోజులుగా కాలు నొప్పితో అతడు బాధపడుతున్నాడు.
దీంతో టాస్క్‌లలో కూడా నోయల్ పాల్గొనలేదు.నిన్న జరిగిన కెప్టెన్సీ టాస్క్‌లో కూడా నోయల్ పాల్గొనలేదు.
కెప్టెన్సీ టాస్క్ అనంతరం నోయల్ బిగ్బాస్ హౌస్‌లోని మెడికల్ రూంకు వెళ్లాడు.
మెడికల్ రూంలో నోయల్‌ను వైద్యులు పరీక్షలు జరిపిన అనంతరం నోయల్‌ను బిగ్బాస్ రూంకు పిలిచాడు.
మెరుగైన చికిత్స కోసం నోయల్‌ను బయటకు పంపిస్తున్నట్లు బిగ్బాస్ ప్రకటించాడు.దీంతో హౌస్‌మెట్స్ అందరూ కన్నీళ్లతో నోయల్‌కు హౌస్ నుంచి వీడ్కోలు పలికారు.
తాను తిరిగి వస్తానని ఈ సందర్భంగా హౌస్‌మెట్స్‌కు నోయల్ చెప్పాడు.చికిత్స కోసం బయటకు వెళుతున్నట్లు తెలిపాడు.
నోయల్ వెళ్లేటప్పుడు అనారోగ్యం నుంచి కోలుకుని హౌస్‌లోకి తిరిగి రావాలని ఆశిస్తున్నట్లు బిగ్బాస్ అనౌన్స్ చేశాడు.దీంతో హౌస్‌మెట్స్ అందరూ సంతోషంతో నోయల్‌ను హౌస్ నుంచి బయటకు పంపారు.
అయితే ఆరోగ్య పరిస్థితి మెరుగుపడిన తర్వాత నోయల్ మళ్లీ వస్తాడా లేదా అనేది చర్చనీయాంశంగా మారింది.
ఒకసారి హౌస్ నుంచి వెళ్లిపోయిన తర్వాత తిరిగి రీఎంట్రీ ఇవ్వడం కష్టమే అని చెప్పవచ్చు.
ఇప్పటికే బిగ్బాస్-4 సగం పూర్తి అయిపోయింది.ఈ క్రమంలో నోయల్ మళ్లీ తిరిగి వచ్చే అవకాశాలు తక్కువగానే ఉన్నాయని టెలివిజన్ వర్గాలు చెబుతున్నాయి.
మరి చూడాలి నోయల్ మళ్లీ తిరిగి బిగ్బాస్ హౌస్‌లోకి వస్తాడా? లేదా? అనేది.
