బీజేపీ జాతీయ అధ్య‌క్షుడు జేపీ న‌డ్డాతో సినీ హీరో నితిన్ స‌మావేశం ముగిసింది.వరంగ‌ల్ లో బీజేపీ బ‌హిరంగ స‌భ పాల్గొన్న అనంతరం జేపీ న‌డ్డా తిరిగి హైద‌రాబాద్ చేరుకున్నారు.
అనంతరం శంషాబాద్ లోని నోవాటెల్ హోట‌ల్ లో హీరో నితిన్ తో ఆయ‌న భేటీ అయ్యారు.దాదాపు అర‌గంట‌కు పైగా సాగిన ఈ స‌మావేశంలో బీజేపీ ఎంపీ ల‌క్ష్మ‌ణ్, మాజీ ఎమ్మెల్సీ రాంచంద‌ర్ రావులు పాల్గొన్నారు.
భేటీ అనంతరం ఎంపీ ల‌క్ష్మ‌ణ్ మాట్లాడుతూ.ప్ర‌ధాని మోదీ పాల‌న‌పై నితిన్, మాజీ క్రికెట‌ర్ మిథాలీ రాజ్ లు ముగ్ధులైయ్యార‌ని చెప్పారు.
ఈ క్ర‌మంలోనే బీజేపీ త‌ర‌పున ప్రచారం చేయ‌డానికి ఇరువురు సానుకూల‌త వ్య‌క్తం చేశార‌ని తెలిపారు.ప్ర‌ధాని మోదీ కోసం వారి సేవ‌ల‌ను వినియోగిస్తామ‌న్నార‌ని, అందుకు ఎటువంటి అభ్యంత‌రం లేద‌ని చెప్పార‌ని వెల్ల‌డించారు.
