యంగ్ హీరో నితిన్ గతేడాది భీష్మ చిత్రంతో అదిరిపోయే హిట్ అందుకున్న సంగతి తెలిసిందే.ఆ సినిమా అందించిన సక్సెస్తో తన నెక్ట్స్ చిత్రాలపై ఫోకస్ పెట్టిన నితిన్, ప్రస్తుతం వరుసబెట్టి సినిమాలు చేస్తూ దూసుకుపోతున్నాడు.
ఈ క్రమంలో నితిన్ నటిస్తున్న లేటెస్ట్ మూవీ ‘చెక్’ ఎప్పుడెప్పుడు రిలీజ్ అవుతుందా అని అందరూ ఆసక్తిగా ఎదురుచూస్తున్నారు.ఈ సినిమాను వైవిధ్య చిత్రాల దర్శకుడు చంద్రశేఖర్ యేలేటి డైరెక్ట్ చేస్తుండటంతో ఈ సినిమా ఎలా ఉండబోతుందా అనే ఆసక్తి సర్వత్రా నెలకొంది.
కాగా ఇప్పటికే రిలీజ్ అయిన ఈ సినిమా ఫస్ట్ లుక్ పోస్టర్స్కు అదిరిపోయే రెస్పాన్స్ లభించడంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.ఇక ఈ సినిమాలో నితిన్ చాలా స్టైలిష్ లుక్తో కనిపిస్తుండగా, ఆయన ఖైదీ పాత్రలో నటిస్తున్నట్లు ఈ పోస్టర్స్ చూస్తే తెలుస్తోంది.
కాగా చెక్ అనే టైటిల్తో దర్శకుడు చంద్రశేఖర్ యేలేటి ఎలాంటి కథనాన్ని రెడీ చేశాడా అనే ఆసక్తి అందరిలో నెలకొంది.ఇక ఈ సినిమాను ఎప్పుడు రిలీజ్ చేస్తారా అనే ప్రశ్నకు తాజాగా సమాధానం కూడా దొరికింది.
ఈ సినిమాను ఫిబ్రవరి 19న రిలీజ్ చేస్తున్నట్లు చిత్ర యూనిట్ ప్రకటించింది.ఈ మేరకు రిలీజ్ పోస్టర్స్ను చిత్ర యూనిట్ రిలీజ్ చేశారు.
ఇక ఈ సినిమాలో నితిన్తో పాటు అందాల భామలు రకుల్ ప్రీత్ సింగ్, ప్రియా ప్రకాష్ వారియర్లు నటిస్తున్నారు.రకుల్ ఈ సినిమాలో లాయర్ పాత్రలో నటిస్తున్నట్లు తెలుస్తోంది.
అయితే నితిన్ నటిస్తున్న ‘రంగ్ దే’ చిత్రం కంటే ముందే ఈ సినిమాను రిలీజ్ చేసేందుకు చిత్ర యూనిట్ రెడీ అవుతుండటంతో ఫ్యాన్స్ అవాక్కవుతున్నారు.ఇప్పటికే షూటింగ్ పనులు ముగించుకున్న ‘రంగ్ దే’ ఇంకా రిలీజ్ కాకపోవడంతో, చెక్ చిత్రం నితిన్కు ఎలాంటి విజయాన్ని అందిస్తుందా అని అందరూ ఆసక్తిగా ఎదురుచూస్తున్నారు.