ప్రపంచ బ్యాక్ అధ్యక్ష పదవి అంటే ఆషామాషీ పదవి కాదు.ఇప్పుడు ఈ పదవికి ప్రస్తుత అధ్యక్షుడు జిమ్ యాంగ్ కిమ్ ఇంకో మూడేళ్ళు ఉన్నా సరే రాజీనామా చేశారు.
ఈ నేపధ్యంలో ఇప్పుడు కొత్త అధ్యక్ష ఎంపికలో ఆసక్తికరమైన పోరు నెలకొంది.ఈ పదవి కోసం ఇప్పుడు ట్రంప్ గారాల పట్టి ఇవాంకా పోటీ పడుతున్నారు.ఇదిలాఉంటే
ఇదే పదవి కోసం భారత సంతతి మహిళ ఐక్యరాజ్యసమితిలో అమెరికా రాయబారిగా పనిచేసి ఇటీవల వైదొలిగిన ఇండో-అమెరికన్ నిక్కీ హేలీ పోటీ పడుతున్నారు.ఈ నేపథ్యంలో కొత్త అధ్యక్షుడి ఎంపిక కోసం అమెరికా తన అభ్యర్థిని పోటీలో నిలుపడానికి కసరత్తు ప్రారంభించింది.
అయితే ఇవాంకా , నిక్కీ లతో పాటుగా అంతర్జాతీయ వ్యవహారాల ఆర్థిక శాఖ సహాయ మంత్రి డేవిడ్ మల్పాస్, ఇంటర్నేషనల్ డెవలప్మెంట్ ఏజెన్సీ అధిపతి మార్క్ గ్రీన్,ఈ ఇద్దరు కూడా పోటీ పడటంతో ఈ పదవి ఎవరిని వరిస్తుందో అనే ఆసక్తి నెలకొంది.అయితే ఈ ఎంపిక ఏప్రిల్ నెలాఖరులోగా పూర్తి అవుతుందని ప్రపంచ బ్యాంక్ అధికారి ఒక ప్రకటనలో తెలిపారు.
.తాజా వార్తలు