యంగ్ హీరో నిఖిల్ కెరీర్‌లో కార్తికేయ చిత్రం ఎలాంటి విజయాన్ని అందుకుందో అందరికీ తెలిసిందే.ఈ సినిమా రిలీజ్ అయిన సమయంలోనే దీనికి సీక్వెల్ కూడా ఉంటుందని చిత్ర యూనిట్ అప్పట్లోనే ప్రకటించారు.
అయితే ఇన్నేళ్ల తరువాత ఇప్పుడు ఈ సినిమా సీక్వెల్‌ను తెరకెక్కిస్తున్నారు.
దర్శకుడు చందు ముండేటి డైరెక్షన్‌లో రాబోయే ఈ సినిమా పూర్తి సస్పెన్స్ థ్రిల్లర్‌గా ఉండనుంది.
ఇక ఈ సినిమాతో మరోసారి తన సత్తా చాటాలని యంగ్ హీరో నిఖిల్ భావిస్తున్నాడు.ఇక ఇప్పటికే షూటింగ్ ప్రారంభించిన ఈ సినిమాలో నిఖిల్ ఓ సరికొత్త లుక్‌లో మనకు కనిపిస్తాడట.
కాగా ఈ సినిమాలో నిఖిల్ తొలిసారి సిక్స్ ప్యాక్ బాడీతో రానున్నట్లు తెలుస్తోంది.
దైవరహస్యాన్ని చేధించే హీరో పాత్రలో నిఖిల్ నటిస్తున్నాడు.
ఇక ఈ సినిమా కాన్సెప్ట్ వీడియో ఎలాంటి ఆసక్తిని క్రియేట్ చేసిందో అందరికీ తెలిసిందే.మరి సిక్స్ ప్యాక్ బాడీతో నిఖిల్ ఎలా ఉంటాడో చూడాలి.
