మెగా వారసురాలు కొణిదెల నిహారిక సినిమాల్లోకి రాకముందు నుంచే మనందరికి బాగా పరిచయమున్న పేరు.షార్ట్ ఫిలిమ్స్, టీవి షోలతో కొన్నేళ్లుగా మనల్ని అలరిస్తూనే ఉంది ఈ మెగా ప్రిన్సెస్.
చుట్టూ సినిమా వాతావరణం ఉండటం వలనో, లాఘు చిత్రాలు చేసిన అనుభవం వలనో కాని, సినిమాల మీద, సినిమా కథల మీద నిహారికకు చాలా పట్టు ఉందని చెబుతూ ఉంటారు.
ఇక తను సినిమాల్లోకి రావాలని నిర్ణయించుకున్నాక చాలామంది చాలా కథలు చెప్పారట.
తొమ్మిది కథలు కాదన్న తరువాత ఒక మనసు కథ ఒకే చేసిందట.దర్శకుడు రామరాజు నిహారిక కోసం రాసుకున్న పాత్ర, ఇద్దరు ప్రేమికుల మధ్య ఉన్న నిర్మలత్వం నిహారికని ఎంతగానో ఆకట్టుకోవడంతో, మరోమాట చెప్పకుండా సినిమా ఒప్పేసుకుంది.
మరి నిజంగానే నిహారికకి కథల మీద బాగా పట్టు ఉందా లేదా అనేది ఈ చిత్రం విడుదల అవగానే తెలిసిపోతుంది.
నాగ శౌర్య హీరోగా నటిస్తున్న ఈ చిత్రానికి మధుర శ్రీధర్ రెడ్డి నిర్మాత .సునీల్ కశ్యప్ బాణీలు సమకూర్చాడు.ఇటివలే విడుదలైన పాటలకు మంచి స్పందన లభించింది.
