ప్రస్తుతం కరోనా వైరస్ వ్యాప్తి చెందుతున్న విషయం తెలిసిందే.ప్రపంచవ్యాప్తంగా ఎవరిని కదిలించినా కరోనా భయమే కనిపిస్తుంది.
ముఖ్యంగా మనుషులను దగ్గరగా కలుసుకోవడానికి భయపడుతున్నారు.ఎన్నో జాగ్రత్తలు తీసుకుంటూ అందరూ కరోనాతో సహజీవనం చేస్తున్నారు.
కానీ కొన్ని కొన్ని సార్లు మనం ఊహించని విధంగా కొన్ని సంఘటనలు జరుగుతూ ఉంటాయి తాజాగా ఇక్కడ ఇలాంటి ఘటన జరిగింది.టీవీ కొనన్నందుకు కరోనా వైరస్ బారిన పడ్డారు ఇక్కడ ఒక కుటుంబం.
వివరాల్లోకి వెళితే.శ్రీకాకుళం జిల్లా టెక్కలి కొడ్రవీధికి చెందిన దంపతులు… సమీపంలో ఉన్న ఎలక్ట్రానిక్ షాప్ లో వారం రోజుల క్రితం ఒక ఎల్ఈడి టీవీ ని కొనుక్కున్నారు.
కానీ ఆ ఎల్ఈడి టీవీ వారికి మృత్యువు దరి చేరుస్తుందని ఊహించలేకపోయాను.కొత్త టీవీ కొన్న ఆనందం ఎన్నో రోజులు మిగలలేదు.సదరు కుటుంబం టీవీ కొనుగోలు చేసిన ఎలక్ట్రానిక్ షాప్ యజమాని తో పాటు ఆయన కుటుంబం లోని మొత్తం ఏడుగురికి కరోనా పాజిటివ్ అని నిర్ధారణ అయింది.
దీంతో ఆ టీవీ ని కొనుగోలు చేసిన కుటుంబం మొత్తం షాక్ లో మునిగిపోయింది.
ఇక ఎలక్ట్రానిక్ షాప్ యజమానికి కరోనా వైరస్ ఉందని నిర్ధారణ కాగానే ఆ షాపు మూసివేశారు.ఈ క్రమంలోనే ఈ షాప్ నుంచి ఎలక్ట్రానిక్స్ కొనుగోలు చేసిన కస్టమర్ల వివరాలను సేకరించి అప్రమత్తం చేశారు.
ఈ క్రమంలో కొడ్రవీధికి ఎల్ఈడి టీవీ కొనుగోలు చేసిన కుటుంబం స్వల్ప అస్వస్థతకు గురి కాగా కరోనా పరీక్షలు చేస్తున్నారు.దీంతో కుటుంబం లోని నలుగురికి పాజిటివ్ అని రావటంతో వారందరు ఒక్కసారిగా విషాదంలో మునిగిపోయారు.
