ఉత్తర అమెరికా తెలుగు సంఘం (తానా) అమెరికాలో తలపెట్టిన CPR వర్క్ షాప్ కి విశేష స్పందన లభించింది.అమెరికాలో ఉండే తెలుగు వారికోసం ఎప్పటికప్పుడు ఎన్నో సేవా కార్యక్రమాలు, తెలుగు సంస్కృతీ సాంప్రదాయాలతో కూడిన పండుగలని నిర్వహించే తానా, ఆరోగ్యనియమాలలో పాటు ఆనారోగ్యంతో ఆపదలో ఉన్న వారికి సత్వర వైద్య సేవలు అందించడం ఎలాగో తెలిపే మెడికల్ క్యాంప్ లని కూడా ఏర్పాటు చేస్తూనే ఉంటుంది.
ఈ మేరకు అమెరికాలోని
న్యూజెర్సీ లో తానా CPR పై వర్క్ షాప్ ఏర్పాటు చేశారు.గుండె నెప్పి వచ్చినప్పుడు అందించాల్సిన అత్యవసర సేవల గురించి నిర్వాహకులు ఎంతో చక్కగా వివరించారు.
ఈ కార్యక్రమానికి 50 మంది తెలుగు వారు హాజరయ్యారు.అంతేకాదు ఎఈడీ డివైజ్ ని ఎలా ఉపయోగించాలో కూడా వైద్యులు తెలిపారు.
హార్ట్ ఎటాక్, స్ట్రోక్ వచ్చినప్పుడు ఎలాంటి పద్దతులు ఉపయోగించి ప్రాణాలని కాపాడవచ్చు అనే విషయాలని వీడియోల రూపంలో కూడా తెలిపారు.ఈ కారక్రమానికి తానా అధ్యక్షులు జే తాళ్ళూరి హాజరు కాగా తానా న్యూజెర్సీ సభ్యులు అందరూ హాజరయ్యారు.ఇంతటి మంచి కార్యక్రమం ఏర్పాటు చేసినందుకు తానాని పలువురు అభినందించారు.
.