గౌతమ్ మీనన్ సినిమాలు అంటే అయితే ఘర్షణ స్టైల్ లో వైలెంట్ కథలు, లేదంటే ఏ మాయ చేసావే స్టైల్ లో క్లాసికల్ లవ్ స్టొరీలు గుర్తుకొస్తాయి.రెండు భిన్నమైన జోనర్ లో సినిమాలు తీసి సక్సెస్ లు అందుకున్న గౌతమ్ మీనన్ ఇప్పుడు తన సినిమాలకి సీక్వెల్స్ తీసుకునే పనిలో పడ్డాడు.
ప్రస్తుతం కమల్ హసన్ హీరోగా తెరకెక్కించిన రాఘవన్ అనే సైకో థ్రిల్లర్ మూవీకి సీక్వెల్ కి రంగం సిద్ధం చేసుకున్నాడు.ఇప్పటికే కథ కూడా సిద్ధం చేసి కమల్ హసన్ కి చెప్పి ఒకే చేయించుకున్నాడు.
ఇదిలా ఉంటే రాఘవన్ సినిమాలో కమల్ హసన్ కి జోడీగా కమలిని ముఖర్జీ నటించింది.అయితే ఈ సినిమా కోసం ఒక స్టార్ హీరోయిన్ గా తీసుకోవాలని గౌతమ్ మీనన్ డిసైడ్ అయ్యాడు.
అందులో భాగంగా గత కొద్ది రోజుల నుంచి అనుష్కని ఫైనల్ చేసినట్లు టాక్ వినిపించింది.అయితే తాజా సమాచారం ప్రకారం ఇందులో హీరోయిన్ గా నయనతారని దర్శక, నిర్మాతలు ఫైనల్ చేసినట్లు తెలుస్తుంది.
నయనతారకి కోలీవుడ్ లో మంచి ఇమేజ్ ఉండటంతో ఆమెని తీసుకుంటే సౌత్ మొత్తం మార్కెట్ కలిసి వస్తుందని నయనతార వైపు నిర్మాతలు సైతం మొగ్గు చూపించినట్లు తెలుస్తుంది.